19 வயதுக்கு உட்பட்டோருக்கான இளையோர் 50 ஓவர் உலகக் கோப்பை கிரிக்கெட் தொடரின் இறுதிப்போட்டி, ஜிம்பாப்வே தலைநகர் ஹாராரே மைதானத்தில் ரசிகர்களின் ஆரவாரத்துடன் நேற்று நடைபெற்றது. பட்டத்திற்கான போரில் இந்தியா மற்றும் இங்கிலாந்து அணிகள் மோதிய இந்த போட்டி, இளம் வீரர்களின் திறமையை உலகமே ரசிக்கும் வண்ணம் அமைந்தது.டாஸ் வென்று முதலில் பேட்டிங் செய்த இந்திய அணி தொடக்கம் முதலே அதிரடியில் களமிறங்கியது.

குறிப்பாக தொடக்க ஆட்டக்காரர் வைபவ் சூர்யவன்ஷி பந்துவீச்சாளர்களை பவுண்டரிக்கும் சிக்சருக்கும் அனுப்பி மைதானமே அதிர வைத்தார். வெறும் 80 பந்துகளில் 15 சிக்சர், 15 பவுண்டரிகள் உட்பட 175 ரன்கள் குவித்த அவரது சூறாவளி இன்னிங்ஸ், போட்டியின் போக்கையே மாற்றியது.

இதன் பலனாக இந்தியா 50 ஓவர்களில் 9 விக்கெட் இழப்புக்கு 411 என்ற மலைப்பெரும் ஸ்கோரை எட்டியது.பின்னர் இலக்கைத் துரத்திய இங்கிலாந்து அணியில் பால்கெனர் மட்டும் வீரத் தனியாகப் போராடினார். 67 பந்துகளில் 115 ரன்கள் எடுத்த அவர் அவுட்டானதும், அணியின் நம்பிக்கை சிதறியது.

மற்ற வீரர்கள் இந்திய பந்துவீச்சாளர்களை சமாளிக்க முடியாமல் அடுத்தடுத்து விக்கெட்டுகளை இழந்ததால், 40.2 ஓவர்களில் 311 ரன்களுக்கு ஆல் அவுட்டானது.இதன் மூலம் இந்தியா 100 ரன்கள் வித்தியாசத்தில் அபார வெற்றி பெற்று, 6வது முறையாக உலகக் கோப்பையை தட்டிச் சென்றது.

இளம் சிங்கங்களின் இந்த சாதனைக்கு பிசிசிஐ செயலாளர் ரூ.7.50 கோடி பரிசுத் தொகை அறிவித்துள்ளார்.பட்டம் வென்று தேசத்துக்கு பெருமை சேர்த்த இந்திய அணிக்கு குடியரசுத் தலைவர் திரவுபதி முர்மு, பிரதமர் நரேந்திர மோடி, தமிழக முதல்வர் மு.க. ஸ்டாலின், மூத்த வீரர் விராட் கோலி, பயிற்சியாளர் கவுதம் கம்பீர் உள்ளிட்ட பலரும் வாழ்த்துகளைத் தெரிவித்துள்ளனர்.

இந்திய இளையோர் அணியின் இந்த வெற்றி, எதிர்கால கிரிக்கெட் தலைமுறைக்கு புதிய நம்பிக்கையை ஏற்படுத்தியுள்ளது.