அக்டோபர் மாதத்திற்கான ஐசிசி விருது போட்டியில் ஆப்கான், இந்திய நட்சத்திரங்கள் மோதல்...!
Afghan and Indian stars clash ICC Awards October
சர்வதேச கிரிக்கெட் கவுன்சில் (ICC) உலகளாவிய அளவில் ஒவ்வொரு மாதமும் சிறந்து விளங்கிய ஆண் மற்றும் பெண் கிரிக்கெட் வீரர்களைத் தேர்வு செய்து சிறப்பித்து வருகிறது. அதன் ஒரு பகுதியாக, அக்டோபர் மாதத்திற்கான “சிறந்த வீரர்” மற்றும் “சிறந்த வீராங்கனை” விருதுகளுக்கான பரிந்துரை பட்டியலை ஐசிசி அதிகாரப்பூர்வமாக வெளியிட்டுள்ளது.
அந்த பட்டியலில், ஆண்கள் பிரிவில் தென் ஆப்ரிக்காவின் செனுரன் முத்துசாமி, பாகிஸ்தானின் நோமான் அலி, மற்றும் ஆப்கானிஸ்தானின் ஸ்பின் மாயக்காரர் ரஷித் கான் ஆகியோர் இடம்பிடித்துள்ளனர். இந்த மூவரும் தங்கள் அணிக்காக சமீபத்திய தொடர்களில் குறிப்பிடத்தக்க பங்களிப்பு செய்ததற்காக தேர்வு செய்யப்பட்டுள்ளனர்.
மறுபுறம், பெண்கள் பிரிவில் இந்தியாவின் ஸ்மிருதி மந்தனா, தென் ஆப்ரிக்காவின் லாரா வோல்வார்ட், மற்றும் ஆஸ்திரேலியாவின் ஆஷ் கார்ட்னர் ஆகியோர் பரிந்துரை பட்டியலில் இடம்பெற்றுள்ளனர். இவர்களில் ஒவ்வொருவரும் தங்களது அணிக்காக பாட்டிங் மற்றும் ஆல்-ரவுண்ட் திறமையால் ரசிகர்களை கவர்ந்துள்ளனர்.
இவர்களில் ஒருவர் “அக்டோபர் மாத சிறந்த வீரர்” மற்றும் ஒருவர் “சிறந்த வீராங்கனை” என்ற விருதுகளுக்கு தகுதி பெற்றவர்களாக விரைவில் அறிவிக்கப்படவுள்ளனர். ரசிகர்கள் மத்தியில் தற்போது ரஷித் கான் மற்றும் ஸ்மிருதி மந்தனா வெற்றி பெறுவார்களா என்ற ஆவல் பெருகி வருகிறது.
English Summary
Afghan and Indian stars clash ICC Awards October