இன்று நவராத்திரி மூன்றாம் நாள்.. யாரை வழிபட வேண்டும்?.. என்னென்ன பலன்கள்.?

அச்சத்தை போக்கும் வராஹி அம்மன்

அம்மன் வடிவம் : வராஹி

பூஜையின் நோக்கம் : மகிஷாசுரனை வதம் செய்ய புறப்படுதல்.

வராஹி வடிவம் : வராக முகம் கொண்டவள்.

எட்டு கரங்களை உடையவள்.

பெரிய சக்கரத்தை கரங்களில் கொண்டவள்.

அம்பிகையின் படைக்கு படைத்தளபதியாக இருக்கக்கூடியவள்.

கோபத்தின் எல்லையை கடந்தவள்.

ஆனால், அன்பிலோ அனைவருக்கும் ஆதாரமானவள்.

மங்கல மய நாராயணி என்றும் அழைக்கப்படுபவள்.

வராக நாதருக்கு வராக ரூபம் கொண்டு அன்னை காட்சி அளித்ததால் வராஹி என்று அழைக்கப்படுகிறாள்.

தென்நாட்டில் மூன்றாம் நாள் வணங்கப்படும் தேவியின் அம்சம் ஜாதவேதோ துர்க்கை.

முருகனின் தோற்றத்திற்காக சிவபெருமானின் நெற்றிக் கண்ணிலிருந்து தீப்பொறிகள் பிறந்தன.

நெற்றிக் கண்ணில் உருவான தீப்பொறிகளை ஏற்றுக்கொள்ளும் ஆற்றலை அக்னி மற்றும் வாயு தேவருக்கு மறைமுகமாக அளித்து கங்கை நதியில் சேர்த்ததால் இந்த துர்க்கைக்கு ஜாதவேதோ துர்க்கை என்று பெயர் ஏற்பட்டது.