மேஷம்

புதுவிதமான இடங்களுக்கு பயணம் செய்வது தொடர்பான சிந்தனைகள் உண்டாகும். முதுநிலை கல்வி தொடர்பான விஷயங்களில் ஆலோசனைகள் கிடைக்கும். உத்தியோக பணிகளில் இருந்துவந்த பொறுப்புகள் குறையும். ஆன்மிக பணிகளில் ஈடுபாடு உண்டாகும். தந்தை வழி உறவுகளிடம் அனுசரித்து செல்லவும். பக்தி நிறைந்த நாள்.

ரிஷபம்

மனதளவில் புதிய நம்பிக்கையும், தன்னம்பிக்கையும் உண்டாகும். எதிர்பாராத பயணங்களை மேற்கொள்வதற்கான சூழ்நிலைகள் ஏற்படும். மனதை உறுத்திய சில பிரச்சனைகளுக்கு தீர்வு கிடைக்கும். சிந்தனையின் போக்கில் மாற்றம் உண்டாகும். பொதுமக்கள் தொடர்பான பணிகளில் இருப்பவர்களுக்கு ஒத்துழைப்பு அதிகரிக்கும். நன்மை நிறைந்த நாள்.

மிதுனம்

வாழ்க்கை துணைவரின் ஒத்துழைப்பு மனதிற்கு மகிழ்ச்சியை ஏற்படுத்தும். மாணவர்களுக்கு கல்வியில் முன்னேற்றம் ஏற்படும். சுபகாரியம் தொடர்பான விஷயங்களில் ஏற்பட்ட தடைகள் விலகும். நண்பர்களின் உதவியின் மூலம் சில பிரச்சனைகளுக்கு தீர்வு கிடைக்கும். புதிய மனை மற்றும் வீடு வாங்குவது தொடர்பான எண்ணங்கள் மேம்படும். அரசு சார்ந்த உதவி கிடைக்கும். சிந்தனைகள் மேம்படும் நாள்.

கடகம்

எதிர்பாராத சில உதவியின் மூலம் மாற்றமான சூழல் உண்டாகும். வாகன மாற்றம் தொடர்பான எண்ணங்கள் மேம்படும். பணிபுரியும் இடத்தில் இருந்துவந்த சிக்கல்கள் படிப்படியாக குறையும். முயற்சிகளில் இருந்துவந்த மறைமுக தடைகளை அறிந்துகொள்வீர்கள். நீர்நிலை சார்ந்த பணிகளில் சாதகமான வாய்ப்புகள் உண்டாகும். பணிகளில் இருந்துவந்த நெருக்கடியான சூழல் குறையும். மதிப்புகள் மேம்படும் நாள்.

சிம்மம்

முதலீடுகளில் சற்று சிந்தித்து செயல்படவும். உத்தியோகத்தில் சிலருக்கு எதிர்பாராத இடமாற்றம் ஏற்படும். பேச்சுக்களில் அனுபவ அறிவு வெளிப்படும். புதுவிதமான சிந்தனைகளின் மூலம் குழப்பம் ஏற்படும். மற்றவர்களின் செயல்பாடுகளில் தலையிடாமல் இருப்பது நல்லது. விளையாட்டு தொடர்பான செயல்பாடுகளில் கவனம் வேண்டும். விவேகம் வேண்டிய நாள்.

கன்னி

நண்பர்களின் மூலம் சுபச்செய்திகள் கிடைக்கும். மனை தொடர்பான விஷயங்களில் இருந்துவந்த தடை, தாமதங்கள் குறையும். போட்டி தேர்வுகளில் சாதகமான முடிவு கிடைக்கும். கல்வி சார்ந்த பணிகளில் மாற்றமான சூழல் ஏற்படும். குடும்பத்தில் ஒற்றுமை அதிகரிக்கும். தவறிப்போன சில பொருட்களை பற்றிய சிந்தனைகள் மேம்படும். லாபம் நிறைந்த நாள்.

துலாம்

இளைய சகோதரர்கள் ஆதரவாக செயல்படுவார்கள். உத்தியோகத்தில் இருப்பவர்களுக்கு முன்னேற்றம் உண்டாகும். சிறு தூர பயணங்களின் மூலம் சாதகமான சூழல் ஏற்படும். வீட்டிற்கு தேவையான பொருட்களை வாங்கி மகிழ்வீர்கள். உத்தியோகம் தொடர்பான பணிகளில் சில மாற்றம் உண்டாகும். வெற்றி நிறைந்த நாள்.

விருச்சிகம்

பூர்வீக சொத்துக்களின் மூலம் அலைச்சல்கள் ஏற்படும். நுணுக்கமான விஷயங்களின் மூலம் லாபம் அதிகரிக்கும். கலை சார்ந்த அறிவு மேம்படும். கடன் தொடர்பான பிரச்சனைகள் நீங்கும். குடும்ப உறுப்பினர்களின் மூலம் கலகலப்பான சூழ்நிலைகள் உண்டாகும். உத்தியோகஸ்தர்கள் மேலதிகாரிகளிடம் பேசும் பொழுது நிதானத்தை கடைபிடிக்கவும். உயர்வு நிறைந்த நாள்.

தனுசு

கல்வி தொடர்பான பணிகளில் சாதகமான சூழல் ஏற்படும். தோற்றப்பொலிவு மற்றும் ஆரோக்கியம் தொடர்பான சிந்தனைகள் மனதில் அதிகரிக்கும். தொழில் சார்ந்த திறமைகள் வெளிப்படும்.  தந்தை பற்றிய எண்ணங்கள் மேம்படும். நீர் சார்ந்த துறைகளில் முன்னேற்றமான வாய்ப்புகள் ஏற்படும். பழைய சிந்தனைகளின் மூலம் மனதில் அமைதியின்மை உண்டாகும். குழப்பம் விலகும் நாள்.

மகரம்

புதிய முயற்சிகளின் மூலம் எதிர்பார்த்த முடிவு கிடைக்கும். மறைமுகமாக இருந்துவந்த திறமைகளை வெளிப்படுத்துவதற்கான வாய்ப்புகள் உண்டாகும். நவீன பொருட்கள் மீதான ஆர்வம் அதிகரிக்கும். திட்டமிட்ட காரியங்கள் எண்ணிய விதத்தில் நிறைவேறும். புதிய முயற்சிகளில் மாற்றமான சூழல் ஏற்படும். மகிழ்ச்சி நிறைந்த நாள்.

கும்பம்

குடும்ப உறுப்பினர்களின் ஆதரவு மனதிற்கு புதிய நம்பிக்கையை உருவாக்கும். பொன், பொருள் சேர்க்கை உண்டாகும். வியாபாரத்தில் கொடுக்கல், வாங்கல் திருப்திகரமாக இருக்கும். மனதிற்கு புதுவிதமான தன்னம்பிக்கையும், தைரியமும் ஏற்படும். தொழில் வளர்ச்சிக்கான செயல்பாடுகளில் எதிர்பார்த்த ஆதரவு கிடைக்கும். உதவி கிடைக்கும் நாள்.

மீனம்

சுயதொழில் நிமிர்த்தமான சிந்தனைகள் மற்றும் எண்ணங்கள் மேம்படும். எதிர்பாராத சில வாய்ப்புகளின் மூலம் மாற்றம் உண்டாகும். புதிய முயற்சிகளில் எதிர்பார்த்த வெற்றி கிடைக்கும். பூர்வீக சொத்துக்களில் இருந்துவந்த பிரச்சனைகள் குறையும். காது தொடர்பான இன்னல்கள் குறையும். செல்வாக்கு மேம்படும் நாள்.