சர்ச்சைகளால் எப்போதும் செய்திகளில் இடம்பெறும் டிடிஎஃப் வாசன் மீண்டும் இணையத்தில் பேசுபொருளாகியிருக்கிறார். பைக்கில் ஹார்ஸ் ரைட் செய்து பிரபலமான இவர், வேகமாக ஓட்டி விபத்துகளை ஏற்படுத்தியதால் ஓட்டுநர் உரிமம் தற்காலிகமாக ரத்து செய்யப்பட்டிருந்தார்.

இப்படிப்பட்ட நிலையில், திடீரென தனது மாமன் மகளைத் திருமணம் செய்து கொண்டுள்ளார். இந்த தகவலுடன் கூடிய வீடியோ, புகைப்படங்கள் இணையத்தில் வேகமாக பரவி வருகின்றன.

திருமணத்துக்கு முன் வெளியிட்ட வீடியோவில் வாசன், “நாளைக்கு எனக்கு கல்யாணம் நடக்கப்போறதுனு நினைக்கிறேன். நான் ராஜஸ்தானில் ரைட் செய்து கொண்டிருந்தபோது, எனது மாமன் மகள் அவசரமாக அழைத்தார். பிறகு நாங்கள் வீட்டைவிட்டு கிளம்பி வந்தோம். 5 ஆண்டுகளாக காதலித்து வந்தோம் என்பதால் திருமணம் செய்துகொள்வது சரியானது என நினைக்கிறேன்” என்று தெரிவித்துள்ளார்.

அத்தையிடம் பேசிவிட்டதாகவும், மாமாவிடம் இன்னும் விவாதிக்கவில்லை என்றும், அவர்களின் சம்மதத்தோடு தான் இந்த கல்யாணம் நடக்க வேண்டும் என்பது தான் விருப்பம் என்றும் கூறியிருந்தார். மேலும், “எனக்கு அப்பா இல்லாததால், மாமனாரை என் அப்பாவைப் போல பார்த்துக் கொள்ள ஆசை” என்றும் உணர்ச்சிவசப்பட்டு கூறினார்.

இதையடுத்து வெளியான புகைப்படங்கள் மற்றும் வீடியோக்களில், அவர் தனது மாமன் மகளுடன் மாலை, கழுத்துமாலை அணிந்து கொண்டிருப்பது தெரிகிறது. ஆனால், தனது மனைவியின் முகத்தை மறைத்தபடியே பதிவுகளை வெளியிட்டுள்ளார்.

இந்த வீடியோக்களை பார்த்த இணையவாசிகள், “சர்ச்சைகளின் ராஜாவாக இருந்தாலும், வாழ்வில் புதிய அத்தியாயம் தொடங்கியிருக்கிறார்” என கருத்து தெரிவித்து வாழ்த்துகள் தெரிவித்துவருகின்றனர். நண்பர்கள் மத்தியில் எளிமையாகவே இந்த திருமணம் நடந்திருக்கிறது என்பதும் வீடியோவில் வெளிப்படுகிறது.