ராஜஸ்தானில் ஜனவரி 31 அன்று நடந்த ஒரு சம்பவம் முதலில் சாதாரண சாலை விபத்து என கருதப்பட்டது. ஆனால் நாட்கள் கடந்தபோது, அந்த ‘விபத்து’ முகமூடியை கிழித்து, அதன் பின்னால் பதுங்கியிருந்த கொடூரமான, முன்கூட்டியே திட்டமிடப்பட்ட கொலைச் சதி வெளிச்சத்துக்கு வந்தது.

25 வயதான இளைஞர் ஆஷிஷின் மரணம், விபத்து அல்ல… அவரது சொந்த மனைவி உட்பட நான்கு பேரால் தீட்டப்பட்ட திட்டமிட்ட படுகொலை என காவல்துறை கண்டறிந்தது. இந்த அதிர்ச்சிகரமான வழக்கில் மனைவி அஞ்சலி மற்றும் அவரது காதலன் உட்பட நால்வர் கைது செய்யப்பட்டனர்.

ஸ்ரீ கங்கநகர் மாவட்டத்தைச் சேர்ந்த வசீர்சந்த், தனது மருமகன் அடையாளம் தெரியாத வாகனம் மோதியதில் உயிரிழந்ததாக புகார் அளித்தார். அதன்பேரில் காவல்துறை வழக்கை சாதாரண சாலை விபத்தாக பதிவு செய்தது.ஆனால் பிரேதப் பரிசோதனை அறிக்கை அனைத்தையும் தலைகீழாக மாற்றியது. உடலில் இருந்த காயங்கள் வாகன மோதலுக்கு பொருந்தவில்லை. இது காவல்துறையினருக்கு பெரும் சந்தேகத்தை ஏற்படுத்தியது.

இதையடுத்து, தடயவியல் அறிவியல் ஆய்வக (FSL) நிபுணர்கள் சம்பவ இடத்துக்குச் சென்று சோதனை நடத்தியபோது, ‘விபத்து’ கதையின் பின்னால் ஒரு இருண்ட சதி பதுங்கி இருப்பது தெரியவந்தது.காவல் கண்காணிப்பாளர் டாக்டர் அம்ரிதா துஹான் தெரிவித்ததாவது:ஆஷிஷ் மூன்று மாதங்களுக்கு முன்புதான் அஞ்சலியை திருமணம் செய்திருந்தார்.

ஆனால் அந்தத் திருமண வாழ்க்கையில் அஞ்சலிக்கு விருப்பமில்லை. அவர் ஏற்கனவே சஞ்சய் (சஞ்சு) என்ற நபருடன் காதல் உறவில் இருந்தார்.“இந்த திருமணமே அவளுக்கு சங்கிலி போல இருந்தது… அதை உடைக்கவே கொலைத் திட்டம் தீட்டப்பட்டது,” என அதிகாரிகள் தெரிவித்தனர்.

திகில் திட்டம்: ‘நடைப்பயிற்சி’ பெயரில் மரணத்துக்கு அழைத்த மனைவி.சம்பவம் நடந்த இரவு,அஞ்சலி “நடைப்பயிற்சி போகலாம்” என்று கணவரை அமைதியாக ஒரு ஒதுக்குப்புறச் சாலைக்கு அழைத்துச் சென்றார்.அங்கு ஏற்கனவே பதுங்கியிருந்த காதலன் சஞ்சய் மற்றும் அவரது நண்பர்கள் ரோஹித் (ராக்கி), பாதல் (சித்தார்த்) காத்திருந்தனர்.

சிக்னல் கிடைத்தவுடன் அவர்கள் ஆஷிஷை சுற்றி வளைத்து,குச்சிகளால் மிருகத்தனமாக தாக்கினர்…அவர் மயங்கியதும், மப்ளரால் கழுத்தை நெரித்து உயிரைப் பறித்தனர்.விபத்து போல மேடை அமைத்த கபட நாடகம்
கொலைக்குப் பிறகு, குற்றவாளிகள் புத்திசாலித்தனமாக நாடகம் ஆடினர்.கைபேசி பறிப்பு,நகை கொள்ளை,விபத்து போல உடலை விட்டுச்செல்லுதல்,இவை அனைத்தும் காவல்துறையைத் தவறாக வழிநடத்த செய்யப்பட்டது.

ஆனால் தொழில்நுட்ப ஆதாரங்கள், மொபைல் டவர் லொக்கேஷன், தடயவியல் சான்றுகள், விசாரணை வாக்குமூலங்கள் அனைத்தும் உண்மையை வெளிச்சத்துக்கு கொண்டுவந்தன.சரியான விசாரணை இருந்தால் உண்மை மறையாது’  காவல்துறை.

“எவ்வளவு திட்டமிட்ட குற்றமாக இருந்தாலும், அறிவியல் ஆதாரங்கள் முன் உண்மை மறையாது,” என்று காவல் கண்காணிப்பாளர் கூறினார்.தற்போது நால்வரும் கைது செய்யப்பட்டுள்ளனர். மேலும் இதில் வேறு யாராவது தொடர்புடையவர்களா என்பது குறித்து விசாரணை தொடர்கிறது.

ஒரு விபத்து வழக்காக தொடங்கி… திகில் கொலைக்கதை ஆகி முடிந்த சம்பவம்.ஒரு சாதாரண சாலை விபத்து என்று கருதப்பட்ட இந்த மரணம்,இப்போது ராஜஸ்தானையே உலுக்கிய கொலைச் சதியாக மாறியுள்ளது.நம்பிக்கை, திருமணம், காதல், துரோகம் — இவை அனைத்தும் கலந்த இந்த வழக்கு,“உண்மை எப்போதும் மறைந்து போகாது” என்பதற்கான சாட்சி ஆகிறது.