தமிழகச் சட்டமன்றத் தேர்தல் 2026 களம் சூடுபிடித்துள்ள நிலையில், தேசிய ஜனநாயகக் கூட்டணி (NDA) வேட்பாளர்களை ஆதரித்து ஆந்திர முதலமைச்சரும், தெலுங்கு தேசம் கட்சித் தலைவருமான சந்திரபாபு நாயுடு நாளை மற்றும் நாளை மறுதினம் தமிழகத்தில் தீவிரப் பிரச்சாரம் மேற்கொள்ள உள்ளார்.

இரண்டு நாள் பயணம்: சந்திரபாபு நாயுடு நாளை (ஏப்ரல் 20) தமிழகம் வருகிறார். அவர் இரண்டு நாட்களுக்குத் தமிழகத்தின் பல்வேறு பகுதிகளில் பாஜாக தலைமையிலான தேசிய ஜனநாயகக் கூட்டணி வேட்பாளர்களுக்கு ஆதரவாக வாக்குச் சேகரிக்கிறார்.

தெலுங்கு வாக்காளர்கள் மீது குறி: தமிழகத்தில் சென்னை, ஓசூர், தருமபுரி, கிருஷ்ணகிரி மற்றும் வேலூர் போன்ற மாவட்டங்களில் கணிசமாக உள்ள தெலுங்கு மொழி பேசும் மக்களின் வாக்குகளைக் கவரும் வகையில் அவரது பிரச்சாரப் பயணம் திட்டமிடப்பட்டுள்ளது.

முக்கியப் பிரச்சாரப் பகுதிகள்: நாளை ஓசூர் மற்றும் கிருஷ்ணகிரி பகுதிகளில் ரோடு ஷோ மற்றும் பொதுக்கூட்டங்களில் பங்கேற்கிறார்.

நாளை மறுதினம் (ஏப்ரல் 21): சென்னையில் தெலுங்கு மக்கள் அதிகம் வசிக்கும் பகுதிகளில் ரோடு ஷோ நடத்திவிட்டு, மாலையில் பிரம்மாண்ட பொதுக்கூட்டத்தில் உரையாற்றுகிறார்.

கூட்டணி பலம்: ஆந்திராவில் பாஜக-வுடன் கூட்டணியில் உள்ள சந்திரபாபு நாயுடு, தமிழகத்திலும் அதே கூட்டணியை வலுப்படுத்த நேரடியாகக் களமிறங்குவது அரசியல் ரீதியாக முக்கியத்துவம் பெறுகிறது. 

தமிழகத் தேர்தலில் அண்டை மாநில முதல்வர்கள் மற்றும் முக்கியத் தலைவர்கள் களமிறங்குவது, தேர்தல் களத்தை மேலும் பரபரப்பாக்கியுள்ளது. சந்திரபாபு நாயுடுவின் வருகை, குறிப்பாகப் எல்லை மாவட்டங்களில் உள்ள தெலுங்கு மொழி பேசும் வாக்காளர்கள் மத்தியில் எந்த மாதிரியான தாக்கத்தை ஏற்படுத்தும் என்பதைப் பொறுத்திருந்து தான் பார்க்க வேண்டும்.