தேசிய கட்சியான இந்திய தேசிய காங்கிரஸ் கட்சி மிக பலவீனம் அடைந்த நிலையில், அதனை பலப்படுத்தும் விதமாக கட்சியின் முன்னாள் தலைவர் ராகுல் காந்தி, ஒற்றுமை இந்தியா யாத்திரை நடை பயணத்தை கன்னியாகுமரியில் தொடங்கி காஷ்மீர் வரை நடத்தி வருகிறார். 

தமிழ்நாடு கேரளாவை கடந்து தற்போது கர்நாடகாவில் நடைபயணம் மேற்கொண்டு வரும் நிலையில், இரண்டு நாள் இடைவேளைக்கு பிறகு இன்று தனது நடைபயணத்தை தொடங்கினார். இந்த நடை பயணத்தில் அவருடன் காங்கிரஸ் கட்சியின் இடைக்கால தலைவராக இருக்கும் சோனியா காந்தி பங்கு பெற்றார். ராகுல் காந்தியுடன் தொடர்ந்து சோனியா காந்தி நடந்து வந்தார். 

அரசியலை வென்ற அம்மாவின் பாசம் அம்மாவின் மீதான அன்பை வெளிப்படுத்திய ராகுல்

இன்று யாத்திரையில் சோனியா கலந்து கொண்டு சில கிமீ நடந்த பிறகு தொடர்ந்து நடக்க வேண்டாம் காரில் வாருங்கள் என ராகுல் காரில் ஏற்றிவிட்டு நடை பயணத்தை தொடர்ந்தார்

தொடர்ந்து நடப்பதாக சோனியா கூறியும் ஏற்க வில்லை pic.twitter.com/6GUDBdjjiA

— Rajesh Krishnamoorthy 💛❤️ (@journalistraj7) October 6, 2022

அவர் சில கிலோ மீட்டர் நடந்தவுடன் அவரை தடுத்து நிறுத்திய ராகுல் காந்தி, காரில் வருமாறு வேண்டுகோள் விடுத்தார். ஆனால் நான் தொடர்ந்து நடப்பதாக சோனியா காந்தி கூறியும், அவர் அதனை ஏற்கவில்லை. என்னதான் அரசியலுக்காக இந்த பயணம் என்றாலும், அரசியலை விட அம்மாவின் அன்பே இறுதியில் வென்றது. 

தனது அம்மாவின் வயதையும் உடல் நிலையும் கவனத்தில் கொண்டு ராகுல் காந்தி அவரை வாகனத்தில் வருமாறு வலியுறுத்தி, வாகனத்தில் ஏற்றிவிட்டு தனது நடை பயணத்தை தொடர்ந்து கொண்டு கொண்டிருக்கிறார்.