தமிழக சட்டசபை தேர்தல் முடிவுகள் வெளியாக இன்னும் சில மணி நேரங்களே உள்ள நிலையில், புதிய எக்ஸிட் போல் முடிவுகள் அரசியல் வட்டாரத்தில் பரபரப்பை ஏற்படுத்தியுள்ளன. குறிப்பாக, 5 ஆண்டுகளுக்குப் பிறகு மீண்டும் அதிமுக தலைமையிலான கூட்டணி ஆட்சியை அமைக்கும் வாய்ப்பு இருப்பதாக இந்த கணிப்பு தெரிவிக்கிறது.

Bar Data - VoteIndia நிறுவனம் வெளியிட்டுள்ள தேர்தலுக்குப் பிந்தைய கருத்துக்கணிப்பின் படி, அதிமுக தலைமையிலான என்டிஏ கூட்டணி மொத்தம் 99 முதல் 120 தொகுதிகள் வரை வெல்ல வாய்ப்புள்ளதாக கூறப்பட்டுள்ளது. இந்த கூட்டணிக்கு மொத்தமாக 33.7% வாக்குகள் கிடைக்கலாம் என மதிப்பிடப்பட்டுள்ளது.

Bar Data - VoteIndia Tamil Nadu Exit Poll 2026:
NDA: 99 - 120
INDIA: 76 - 83
TVK: 38 - 47
Others: 00 - 05

*Margin of error: Vote share +/- 2%, Seat share: +/- 5 for each alliance.#TamilNaduExitPoll #TamilNaduElection #NDA #INDIA #TVKVijay‌

PDF Format: https://t.co/2ke5sremlk pic.twitter.com/C2HhkEBXbL

— Bar Data - VoteIndia (@BDVoteIndia) May 1, 2026

இந்த கூட்டணியில்,

• அதிமுக – 92 முதல் 97 இடங்கள்

• பாஜக – 2 முதல் 4 இடங்கள்

• பாமக – 5 முதல் 7 இடங்கள்

• அம்மா மக்கள் முன்னேற்ற கழகம் – 5 முதல் 7 இடங்கள்

மேலும் கூட்டணியில் உள்ள சிறிய கட்சிகளுக்கும் ஓரிரு தொகுதிகள் கிடைக்க வாய்ப்பு இருப்பதாக கணிக்கப்பட்டுள்ளது.

மறுபுறம், ஆளும் திமுக தலைமையிலான கூட்டணி இந்த முறை பின்னடைவை சந்திக்கலாம் என தெரிவிக்கப்பட்டுள்ளது. திமுக கூட்டணி 76 முதல் 83 தொகுதிகள் வரை மட்டுமே வெல்லும் என இந்த கருத்துக்கணிப்பு கூறுகிறது. இந்த கூட்டணிக்கு மொத்தமாக 31.4% வாக்குகள் கிடைக்கலாம் என கணிக்கப்பட்டுள்ளது.

அதில்,

• திமுக – 57 முதல் 63 இடங்கள்

• காங்கிரஸ் – 4 முதல் 5 இடங்கள்

• தேமுதிக – 2 முதல் 3 இடங்கள்

• விசிக – 1 முதல் 2 இடங்கள்

• சிபிஎம் / சிபிஐ – தலா 1 முதல் 2 இடங்கள்

என கணிக்கப்பட்டுள்ளது.

இந்த தேர்தலின் மிகப்பெரிய கவன ஈர்ப்பாக இருக்கும் நடிகர் விஜய்யின் தமிழக வெற்றிக் கழகம் (தவெக) தனது முதல் தேர்தலிலேயே 38 முதல் 47 தொகுதிகள் வரை வெல்லலாம் என கணிக்கப்பட்டுள்ளது. கட்சிக்கு 25.9% வாக்குகள் கிடைக்கும் என இந்த ஆய்வு கூறுகிறது.

அதேபோல், நாம் தமிழர் கட்சி 5.3% வாக்குகளுடன் 0 முதல் 3 இடங்கள் வரை வெல்ல வாய்ப்பு இருப்பதாகவும், மற்ற கட்சிகள் சேர்த்து 0 முதல் 2 இடங்கள் வரை வெல்லலாம் என்றும் கூறப்பட்டுள்ளது.

எனினும், இவை அனைத்தும் கருத்துக்கணிப்புகள் மட்டுமே. உண்மையான முடிவுகள் நாளைய வாக்கு எண்ணிக்கையில் தான் வெளிவரும். தமிழக அரசியல் களத்தில் ஆட்சி யாருக்கு என்பதற்கான பதில் இன்னும் சில மணி நேரங்களில் தெளிவாகும்.