கேரளாவில் பாஜக ஆட்சி அமையும்.... அந்த குற்றவாளிகள் கம்பி எண்ணுவார்கள்; இது எனது உத்தரவாதம் - மோடி பேச்சு!

திருவனந்தபுரம் புத்திரிக்கண்டம் மைதானத்தில் நடைபெற்ற பா.ஜ.க. பொதுக்கூட்டத்தில் பிரதமர் நரேந்திர மோடி உணர்ச்சிப்பூர்வமாக உரையாற்றினார். கேரளத் தொண்டர்களின் கடின உழைப்பு வீண் போகாது என்றும், மாநிலத்தில் மாற்றத்திற்கான புதிய ஆற்றல் பெருகியுள்ளதாகவும் அவர் தெரிவித்தார்.

குஜராத் பாணி வளர்ச்சி: 1987-ல் அகமதாபாத் மாநகராட்சி வெற்றியே குஜராத்தில் பா.ஜ.க. ஆட்சி மலர வழிவகுத்தது என்பதை அவர் நினைவு கூர்ந்தார்.

கேரள அஸ்திவாரம்: அதேபோல், திருவனந்தபுரம் மாநகராட்சி வெற்றி கேரளாவில் "வளர்ச்சியடைந்த கேரளா"வை உருவாக்குவதற்கான அஸ்திவாரம் என்று பிரதமர் குறிப்பிட்டார்.

சபரிமலை தங்கம்:

"சபரிமலை ஐயப்பன் கோவில் தங்கத் திருட்டு வழக்கில் தொடர்புடையவர்கள் யாராக இருந்தாலும் தப்ப முடியாது. கேரளாவில் பா.ஜ.க. ஆட்சி அமைந்ததும், இது குறித்து முழுமையான விசாரணை நடத்தப்பட்டு குற்றவாளிகள் கம்பி எண்ணுவார்கள்; இது எனது உத்தரவாதம்" என்று அவர் முழங்கினார்.

இடதுசாரி (LDF) மற்றும் காங்கிரஸ் தலைமையிலான (UDF) முன்னணிகளின் ஊழல் ஆட்சியிலிருந்து கேரளாவை விடுவிப்பதே தங்களது முதன்மை நோக்கம் என மோடி தெரிவித்தார்.