2026 ஆம் ஆண்டு நடைபெறவுள்ள தமிழ்நாடு சட்டமன்றத் தேர்தலை முன்னிட்டு, அதிமுகவில் பெரிய அதிருப்தி நிலவி வருவதாக தகவல்கள் தெரிவிக்கின்றன. குறிப்பாக, நடிகர் விஜய் தலைமையிலான தமிழக வெற்றிக் கழகம் (TVK) கட்சியுடன் கூட்டணி அமைக்கப்படாவிட்டால், பல அதிமுக தலைவர்கள் போட்டியிடத் தயங்குவதாக கூறப்படுகிறது.

கட்சியின் உள் வட்டாரங்கள் தெரிவிப்பதாவது, விஜய் தலைமையிலான கட்சியுடன் கூட்டணி இல்லாமல் அதிமுகவின் வெற்றி வாய்ப்புகள் மிகவும் குறையும் என்று பல மாவட்ட, உள்ளூர் நிர்வாகிகள் கருதுகின்றனர். இதற்கான காரணமாக, இளைஞர்கள் மற்றும் நகர்ப்புற வாக்காளர்களிடையே விஜய்க்கு ஏற்பட்டிருக்கும் செல்வாக்கே முக்கியமாகக் குறிப்பிடப்படுகிறது.

விஜயின் கட்சி தவெகா தேர்தல் களத்தில் இறங்கிய பிறகு, தமிழக அரசியல் சமநிலை மாறியுள்ளதாக பல அரசியல் ஆய்வாளர்கள் கூறுகின்றனர். இதனால், திமுக கூட்டணிக்கு எதிராக தனியாகப் போட்டியிடுவது அதிமுகக்கு சவாலாக இருக்கும் எனவும், தவெகவின் ஆதரவு இல்லாமல் பல முக்கிய தொகுதிகள் கையில் வழுக்கக்கூடும் என அஞ்சப்படுகிறது.

மாவட்ட நிர்வாகிகள் சிலர்,“வெற்றி வாய்ப்பு தெளிவாக இல்லாதபோது, தேர்தல் பிரச்சாரத்திற்காக பெரிய தொகையைச் செலவழிப்பது பயனில்லை. தோல்வி ஏற்பட்டால் நமது அரசியல் செல்வாக்கும் குறையும்,”என்று கூறியுள்ளதாக தெரிவிக்கப்படுகிறது.

அதேபோல், விஜயின் கட்சி தனியாகப் போட்டியிடும் முடிவால் அதிமுக தொண்டர்களிடையே உற்சாகக் குறைவு ஏற்பட்டுள்ளதாகவும், சிலர் போட்டியிலிருந்து விலகும் எண்ணத்தில் உள்ளதாகவும் வட்டாரங்கள் கூறுகின்றன.

மறுபுறம், தமிழக வெற்றிக் கழகம் ஏற்கனவே சிறப்பு பொதுக்குழுவை கூட்டி, விஜயை முதல்வர் வேட்பாளராக அறிவித்தது. மேலும், கூட்டணி குறித்து முடிவெடுக்கும் முழு அதிகாரமும் விஜய்க்கே வழங்கப்பட்டுள்ளது. இதன் மூலம் தற்போது அவர் எந்தக் கட்சியுடனும் கூட்டணி அமைக்க விருப்பமில்லை என்பது தெளிவாகியுள்ளது.

இந்நிலையில், எடப்பாடி கே. பழனிசாமி தலைமையிலான அதிமுக மூத்த தலைவர்கள், விஜயுடன் மீண்டும் பேச்சுவார்த்தை நடத்தி கூட்டணியை உருவாக்க வேண்டும் என்ற கருத்து அடிமட்ட தொண்டர்களிடையே வலுவாக எழுந்துள்ளது. கூட்டணி அமையாவிட்டால் கட்சிக்குள் அழுத்தமும் குழப்பமும் அதிகரிக்கும் என்பதில் சந்தேகமில்லை.

தவெகவின் இளைஞர் ஆதரவு அதிமுகவுக்கு கிடைக்காத நிலையில், எதிர்கால தேர்தல் பிரச்சாரம் மற்றும் வாக்கு வங்கி குறித்த கவலை அதிகரித்து வருகிறது.

அரசியல் வட்டாரங்கள் கூறுவதாவது —“விஜய் கூட்டணியை இழந்த அதிமுக, உள் அதிருப்தியையும் வெளி போட்டியையும் சமாளிக்க வேண்டிய கடினமான நிலையிலிருக்கிறது. அடுத்த சில மாதங்களில் நடைபெறும் நகர்வுகள், தமிழ்நாட்டின் எதிர்க்கட்சி அரசியலை தீர்மானிக்கும் முக்கிய காரணமாக இருக்கும்.”

மொத்தத்தில், “விஜய் கூட்டணி இல்லாமல் வெற்றி கடினம்” என்பது அதிமுக வட்டாரங்களின் தற்போதைய உண்மையான நிலைப்பாடாக மாறியிருக்கிறது.