நடிகர் தனுஷ் அரசியலுக்கு வந்தால் தனது ஆதரவு அவருக்கே என்று இசையமைப்பாளரும் நடிகருமான ஜி.வி.பிரகாஷ் தெரிவித்துள்ளார். இதனால் தனுஷின் அரசியல் வருகை குறித்த பேச்சு மீண்டும் சூடுபிடித்துள்ளது.

தமிழ் சினிமாவில் நடிகர், தயாரிப்பாளர், இயக்குநர், பாடலாசிரியர், பாடகர் என பன்முகத் திறமையுடன் வலம் வருபவர் தனுஷ். சமீபகாலமாக அவரது ரசிகர் மன்ற செயல்பாடுகளும் அரசியல் ரீதியாக கவனம் பெற்றுள்ளன. மாவட்ட வாரியாக ரசிகர் மன்ற நிர்வாகிகளை சந்திக்கும் தனுஷ், ரத்த தானம், கல்வி உதவி, அன்னதானம் உள்ளிட்ட மக்கள் நலப் பணிகளை மேற்கொள்ளுமாறு அறிவுறுத்தி வருவதாக கூறப்படுகிறது.

மேலும், அவரது ரசிகர்கள் வாகனங்களில் ரசிகர் மன்றக் கொடியை பயன்படுத்தத் தொடங்கியிருப்பதும் அரசியல் வருகைக்கான முன்னோட்டமா என்ற கேள்வியை எழுப்பியுள்ளது. இதற்கிடையே தனுஷ் அரசியலுக்கு வருவார் என்ற தகவல்களும் தொடர்ந்து பரவி வருகின்றன.

இந்த நிலையில், தனுஷின் அரசியல் வருகை குறித்து ஜி.வி.பிரகாஷிடம் கேள்வி எழுப்பப்பட்டது. அதற்கு, “என் நண்பர் தனுஷ் அரசியலுக்கு வந்தால் எனது ஆதரவு அவருக்கே” என்று அவர் தெரிவித்ததாக கூறப்படுகிறது.

இதனால் தனுஷின் அரசியல் பயணம் குறித்த எதிர்பார்ப்பு மேலும் அதிகரித்துள்ளது. குறிப்பாக, தனுஷ் தனது ரசிகர் மன்றத்தை மக்கள் நல அமைப்பாக மாற்றி வருகிறாரா என்ற விவாதமும் சமூக வலைதளங்களில் நடைபெற்று வருகிறது.

இதற்கிடையே, விஜய்க்கு நெருக்கமான ஜோதிடர் என கூறப்படும் ராதன் பண்டிட், தனுஷுக்கு அரசியலில் எதிர்காலம் இருப்பதாக கூறியதாகவும் தகவல்கள் வெளியாகியுள்ளன. தனுஷ் அரசியலுக்கு வரும் காலத்தில் தமிழக அரசியலில் புதிய போட்டி உருவாகலாம் என்றும், அதேநேரத்தில் அவரது வருகை முதல்வர் விஜய்யின் அரசியலை பாதிக்காது என்றும் அவர் தெரிவித்ததாக கூறப்படுகிறது.

இதனால் விஜய் அரசியலுக்கு வந்துள்ள நிலையில், அடுத்ததாக தனுஷும் அரசியல் களத்தில் குதிப்பாரா என்ற எதிர்பார்ப்பு ரசிகர்கள் மற்றும் அரசியல் வட்டாரங்களில் எழுந்துள்ளது. தனுஷின் அரசியல் வருகை உண்மையா, அல்லது ரசிகர் மன்ற செயல்பாடுகள் மட்டும்தானா என்பதற்கு அவரது அடுத்தடுத்த நகர்வுகளே பதில் சொல்லும்.