தமிழக சட்டமன்றத் தேர்தலுக்கு இன்னும் சுமார் 35 நாட்களே உள்ள நிலையில், கடந்த 2021 தேர்தலில் திமுக கூட்டணியும் அதிமுக கூட்டணியும் பெற்ற வாக்கு வித்தியாசம் தற்போது மீண்டும் அரசியல் விவாதமாக மாறியுள்ளது. அந்த தேர்தல் கணக்குகளைப் பார்த்தால், வரவிருக்கும் தேர்தலில் கூட்டணி கணக்குகள் எவ்வாறு மாறக்கூடும் என்பதற்கான ஒரு சிக்னல் கிடைக்கிறது.

2021 சட்டமன்றத் தேர்தலில் திமுக தலைமையிலான கூட்டணி 45.7% வாக்குகளுடன் 159 தொகுதிகளில் வெற்றி பெற்று ஆட்சியை அமைத்தது. அதே நேரத்தில் அதிமுக தலைமையிலான கூட்டணி 40% வாக்குகளுடன் 75 தொகுதிகளில் மட்டுமே வெற்றி பெற்றது.

திமுக கூட்டணி – 2021 வாக்கு விவரம்

• திமுக – 188 தொகுதிகளில் போட்டியிட்டு 133 வெற்றி (38% வாக்குகள்)

• காங்கிரஸ் – 25 தொகுதிகளில் போட்டியிட்டு 18 வெற்றி (4.3%)

• விசிக – 6 தொகுதிகளில் போட்டியிட்டு 4 வெற்றி (1%)

• சிபிஐ – 1.1%

• சிபிஎம் – 0.9%

அதிமுக கூட்டணி – 2021 வாக்கு விவரம்

• அதிமுக – 191 தொகுதிகளில் போட்டியிட்டு 66 வெற்றி (33.5%)

• பாமக – 23 தொகுதிகளில் போட்டியிட்டு 5 வெற்றி (3.8%)

• பாஜக – 20 தொகுதிகளில் போட்டியிட்டு 4 வெற்றி (2.6%)

இதன் மூலம் திமுக மற்றும் அதிமுக கூட்டணிகளுக்கிடையிலான மொத்த வாக்கு வித்தியாசம் சுமார் 5.7% மட்டுமே இருந்தது.

மூன்றாம் மற்றும் நான்காம் முனை

2021 தேர்தலில் மற்ற கட்சிகள் பெற்ற வாக்குகள்:

• நாம் தமிழர் கட்சி – 6.6%

• மக்கள் நீதி மய்யம் – 2.6%

• அமமுக – 2.4%

• தேமுதிக – 0.4%

இதனால் முக்கிய கூட்டணிகளுக்கு வெளியே இருந்த கட்சிகள் மட்டும் சேர்த்து சுமார் 12% வாக்குகளை பெற்றிருந்தன.

2026 தேர்தலில் புதிய நிலை

இந்த முறை தேர்தலில்

• திமுக கூட்டணி

• அதிமுக – பாஜக கூட்டணி

• நாம் தமிழர் கட்சி

• விஜய் தலைமையிலான தவெக

என்று நான்கு முனைப் போட்டி உருவாகும் சூழல் உள்ளது.

அரசியல் பார்வையாளர்களின் கணிப்புப்படி, சீமான் மற்றும் விஜய் பெறும் வாக்குகள் பல தொகுதிகளில் வெற்றி-தோல்வியை தீர்மானிக்கும் முக்கிய காரணமாக மாறலாம். குறிப்பாக சில இடங்களில் வாக்குகள் சிதறினால், மிகச் சிறிய வாக்கு வித்தியாசத்திலேயே முடிவுகள் மாறும் வாய்ப்பு உள்ளது.

இதனால் 2026 தேர்தல், கடந்த தேர்தலை விட கூட்டணி கணக்குகளும் வாக்கு பங்கீடும் முக்கிய பங்காற்றும் தேர்தலாக அமையும் என அரசியல் வட்டாரங்கள் மதிப்பிடுகின்றன.