சென்னை நோக்கி விரைவாக நகரும் ‘டிட்வா’ புயலை முன்னிட்டு, அரசின் பேரிடர் தயாரிப்புகள் வேகப்படுத்தப்பட்டுள்ளன. இந்த சூழ்நிலையில், பேரிடர் மேலாண்மைத்துறை அமைச்சர் கே.கே.எஸ்.எஸ்.ஆர் ராமச்சந்திரன், டெல்டா மாவட்ட ஆட்சியர்களுடன் காணொலி மூலமாக அவசர ஆலோசனையில் ஈடுபட்டார்.

மாநில எழிலகத்தில் இயங்கும் அவசரநிலை கட்டுப்பாட்டு மையத்தை நேரில் ஆய்வு செய்த அமைச்சர், பின்னர் செய்தியாளர்களை சந்தித்து புயல் நிலை தொடர்பாக விரிவான தகவல்களை பகிர்ந்தார்.அமைச்சர் தெரிவித்த முக்கிய குறிப்புகள்
ராமநாதபுரம், புதுக்கோட்டை, நாகை உள்ளிட்ட மாவட்ட ஆட்சியர்களுடன் விரிவு பேச்சுவார்த்தை நடத்தப்பட்டது.

நாகை மாவட்டம் தோப்புத்துறையில் இதுவரை 20 செ.மீ மழை பதிவாகியுள்ளது.
வானிலை ஆய்வு மையம் கணிப்பின்படி, புயல் பாதை சென்னை கடற்கரையை தொடும் சாத்தியம் அதிகம் பொதுமக்கள் கடற்கரையை நோக்கி செல்லாமல் இருக்க வேண்டுகோள்.
இதுவரை பெரும் சேதமோ உயிரிழப்போ இல்லை என அமைச்சகம் தெரிவித்துள்ளது.
மீட்பு நடவடிக்கைக்காக ஹெலிகாப்டர் உதவியும் தயாராக வைத்திருப்பது அறிவிப்பு.
புயல் உச்சநிலை நேரத்தில் கனமழை + புயல் காற்று காரணமாக சில சேதங்கள் ஏற்படலாம் என முன் கணிப்பு.
படகு மற்றும் பயிர் சேதங்கள் குறித்து டிசம்பர் 30-க்கு பிறகு முழு கணக்கெடுப்பு நடத்தி இழப்பீடு வழங்கப்படும்.
முன்னெச்சரிக்கை நடவடிக்கைகளுக்காக முதலமைச்சர் நேரடி ஆய்வு மேற்கொண்டுள்ளார்.
1 கோடி 24 லட்சம் மக்களுக்கு SMS மூலம் புயல் எச்சரிக்கை அனுப்பப்பட்டுள்ளது.
கடலூர், விழுப்புரம் பகுதிகளில் தாக்கம் அதிகரிக்க வாய்ப்பு என வானிலை மதிப்பீடு.
புயல் எந்த பகுதியில் கரையை கடக்கும் என்ற தகவல் இன்னும் உறுதி செய்யப்படவில்லை.