தமிழக அரசியல் வரலாற்றில் மிகப்பெரிய திருப்புமுனையை உருவாக்கிய கட்சியாக விஜய் தலைமையிலான தமிழக வெற்றிக் கழகம் உருவெடுத்துள்ளது. அரசியல் களத்தில் முதல் முறையாக குதித்த அந்தக் கட்சி, மக்கள் மனநிலையை மின்னல் வேகத்தில் கவர்ந்து, தன்னுடைய அறிமுக தேர்தலிலேயே 108 தொகுதிகளை கைப்பற்றி அதிரடி சாதனையை பதித்தது.

ஆட்சியை தனிப்பெரும்பான்மையுடன் அமைக்க 118 இடங்கள் அவசியமாக இருந்த நிலையில், இந்திய தேசிய காங்கிரஸ், இந்திய கம்யூனிஸ்ட் கட்சி, விடுதலை சிறுத்தைகள் கட்சி, இந்திய யூனியன் முஸ்லிம் லீக் உள்ளிட்ட கூட்டணி கட்சிகளின் ஆதரவுடன் தவெக அரசு அமைந்தது. இதையடுத்து விஜய் முதல்-அமைச்சராக பதவியேற்று தமிழக அரசியலின் அதிகார மையத்தையே மாற்றியமைத்தார்.

ஆனால் இந்த அரசியல் புரட்சியின் பின்னணியில் வெறும் 4,649 வாக்குகள் மட்டுமே மறைந்து கிடக்கின்றன என்பதே ஆச்சரியமான உண்மையாக பார்க்கப்படுகிறது.

தேர்தல் கணக்கெடுப்புகளின்படி, மிகக் குறைந்த வாக்கு வித்தியாசத்தில் வெற்றியை தவறவிட்ட 10 தொகுதிகளில் கூடுதலாக மொத்தம் 4,649 வாக்குகள் கிடைத்திருந்தால், தமிழக வெற்றிக் கழகம் 118 இடங்களை எட்டி தனித்த பெரும்பான்மையுடன் ஆட்சியை அமைத்திருக்கும் என தெரிவிக்கப்படுகிறது.

அத்தகைய சூழ்நிலை உருவாகியிருந்தால், கூட்டணி கட்சிகளின் ஆதரவை நாட வேண்டிய அவசியமே ஏற்பட்டிருக்காது என்றும் அரசியல் விமர்சகர்கள் மதிப்பிடுகின்றனர். தற்போது உருவாகியுள்ள அதிகாரப் பகிர்வு, அமைச்சரவை சமநிலை, கூட்டணி அரசியலின் புதிய சமிக்ஞைகள் போன்றவை அனைத்தும் வேறொரு திசையில் நகர்ந்திருக்க வாய்ப்பிருந்ததாகவும் பேசப்படுகிறது.

ஒரு சில ஆயிரம் வாக்குகள் மட்டுமே தமிழக அரசியலின் முழு அதிகாரச் சதுரங்கத்தையும் மாற்றியமைத்துள்ளன என்பது தற்போதைய அரசியல் சூழலின் மிகப் பெரிய பரபரப்பான உண்மையாக உருவெடுத்துள்ளது.

மக்கள் அளித்த ஒவ்வொரு வாக்கும் எவ்வளவு ஆழமான அரசியல் விளைவுகளை ஏற்படுத்த முடியும் என்பதை இந்த தேர்தல் முடிவுகள் வெளிச்சமிட்டுக் காட்டியுள்ளதாக அரசியல் வட்டாரங்களில் தெரிவிக்கப்படுகிறது.