பள்ளி மாணவிகளுக்கு பாலியல் தொல்லை - ஆசிரியருக்கு போலீசார் வலைவீச்சு.!!
teacher harassment to school students n odisa
ஒடிசாவில் பள்ளி மாணவிகள் ஏழு பேருக்கு ஆசிரியர் பாலியல் தொல்லை கொடுத்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.
ஒடிசா மாநிலத்தில் உள்ள சுந்தர்கர் மாவட்டத்தில் ஒரு பள்ளியில் பணிபுரிந்து வந்த சமஸ்கிருத ஆசிரியர் மீது, அதே பள்ளியைச் சேர்ந்த ஏழு மாணவிகள் தலைமை ஆசிரியையிடம் பாலியல் புகார் தெரிவித்துள்ளனர்.
இதையடுத்து தலைமை ஆசிரியர் சம்பவம் குறித்து உடனடியாக காவல்துறையினரிடம் புகார் அளித்துள்ளார். இதற்கிடையே, சம்பந்தப்பட்ட சமஸ்கிருத ஆசிரியர் பள்ளியில் விடுமுறை கடிதம் கொடுத்துவிட்டு தலைமறைவாகிவிட்டார். அவர் மீது போலீசார் வழக்குப்பதிவு செய்து சம்பந்தப்பட்ட ஆசிரியர் மீது தீவிரமாக தேடி வருகின்றனர்.
இதேபோல், சம்பந்தப்பட்ட ஆசிரியர் மீது ஏற்கனவே சில மாணவிகள் பாலியல் புகார் அளித்ததாகவும், அவரை பள்ளி நிர்வாகம் கண்டித்து அனுப்பியதாகவும் தகவல் வெளியாகியுள்ளது. இந்த புகார் குறித்தும் போலீசார் தீவிர விசாரணை மேற்கொண்டு வருகின்றனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.
English Summary
teacher harassment to school students n odisa