உத்தர பிரதேச மாநிலம் அயோத்தி ராமர் கோயி​லில் காணிக்கை திருட்டு உறுதி செய்​யப்​பட்​டு பக்தர்கள் இடையே அதிர்ச்சியை ஏற்படுத்தியுள்ளது. இந்​நிலை​யில், உத்தரப் பிரதேசத்தில் மது​ரா​வில் உள்ள பிரசித்தி பெற்ற ஸ்ரீ கிருஷ்ண ஜென்ம பூமி கோயி​லிலும் காணிக்கை திருட்டு நடந்​துள்​ள​தாக கிருஷ்ண ஜென்ம பூமி கோயில் நிலம் மீட்பு தொடர்​பான வழக்​கின் மனுதாரர்​களில் ஒரு​வ​ரான துறவி தினேஷ் பலஹாரி மகா​ராஜ் கூறி​யுள்​ளார்.

அத்துடன், இதுகுறித்து விசா​ரிக்க எஸ்​ஐடி அமைக்க வேண்​டும் என்று முதல்வர் ஆதித்​ய​நாத்​துக்கு கோரிக்கை வைத்​து கடிதம் எழுதியுள்ளார். அதில், கிருஷ்ணர் கோயிலுக்கு காணிக்​கை​யாக ரொக்​கம், தங்​கம், வெள்ளி ஆபரணங்​களைப் பக்​தர்​கள் வழங்கி வரு​கின்​றனர். அதில் முறை​கேடு​கள் நடக்​கின்​றன என்று குறிப்பிட்டுள்ளார்.

அத்துடன், கோயில் நிர்​வாகி கிருஷ்ண ஜென்​மஸ்​தான் சேவா சன்​ஸ்​தான் செய​லா​ளர் கபில் சர்​மா, ரூ.1,000 கோடி மதிப்​புள்ள சொத்​து​களைச் சேர்த்​துள்​ளார் என்றும், எனவே காணிக்கை குறித்து விசா​ரணை நடத்த வேண்​டும் என்று தெரிவித்துள்ளார்.

ஆனால், தன் மீதானப் புகாரை கபில் சர்​மா மறுத்துள்ளதோடு, அரசு விசா​ரணைக்கு அறக்​கட்​டளை தயா​ராக இருப்​ப​தாகவும் தெரிவித்துள்​ளார். மதுரா கோயிலை நிர்​வகிக்​கும் கிருஷ்ண ஜென்​மஸ்​தான் சேவா சன்​ஸ்​தானும், கோயில் நிதி முறை​கேடு குறித்து எஸ்​ஐடி விசாரிக்க வேண்​டும் என்று முதல்​வர் ஆதித்​ய​நாத்​துக்கு கடிதம் எழுதியுள்​ளது.

இந்​த சூழலில், உத்​தவ் தலை​மையி​லான சிவசேனா கட்​சி​யைச் சேர்ந்​தவர்​கள், ஜம்மு காஷ்மீர் மாநில கட்​சித் தலை​வர் மணிஷ் சாஹ்னி தலை​மை​யில் நேற்று போராட்​டம் நடத்​தினர். அப்​போது, நான்கு சங்​க​ராச்​சா​ரி​யார்​களின் தலை​மை​யில் 'இந்து பாது​காப்பு வாரி​யம்' அமைக்க வேண்​டும் என்று அவர்​கள் கோரிக்கை விடுத்​துள்ளனர்.

இந்த போராட்​டத்​தின் போது மணிஷ் பேசுகை​யில், ''ராமர் கோயி​லில் காணிக்​கை, நிலப் பரிவர்த்​தனை​யில் முறை​கேடு, மாதா வைஷ்ணவி தேவி கோயிலுக்கு வழங்​கப்​பட்ட வெள்​ளி​யின் தரம் குறித்த சர்ச்​சை, திருப்​பதி ஏழு​மலை​யான் கோயில் லட்டு பிர​சாத விவ​காரம் ஆகியவை லட்​சக்​கணக்​கான பக்​தர்​களின் நம்​பிக்​கையை பா​தித்​துள்​ளது. எனவே, முற்​றி​லும் சுதந்​திர​மான அமைப்பு தேவைப்​படு​வ​தால் அனைத்​து கோயில்​களை​யும்​ அரசே நிர்​வகிக்​க வேண்​டும்​'' என்​று தெரிவித்​துள்ளார்​.