கேரள சட்டமன்றத் தேர்தலில் சிபிஐ(எம்) வேட்பாளராகப் களமிறங்கும் நடிகை பாவனா..?

கேரளாவில் விரைவில் சட்டமன்றத் தேர்தல் நடைபெறவுள்ளது. இந்த தேர்தலில், பிரபல நடிகை பாவனா ஆளுங்கட்சியான சிபிஐ(எம்) கட்சி சார்பில் வேட்பாளராகக் களம் இறங்கப்போவதாகச் சமூக வலைதளங்களில் செய்திகள் வெளியாகியுள்ளன.

கடந்த 2013-ஆம் ஆண்டு கர்நாடகாவில் காங்கிரஸ் கட்சிக்காகப் பிரசாரம் செய்திருந்தார். ஆனால் அவர். நேரடி அரசியலில் ஈடுபடாமல் இருந்து வந்தார். இந்நிலையில், திடீரெனத் தேர்தலில் போட்டியிடப் போவதாக வெளியான தகவல் ரசிகர்கள் மற்றும் அரசியல் வட்டாரத்தில் பெரும் பரபரப்பை ஏற்படுத்தியது.

பாவனாவின் 90-வது படமான 'அனோமி' வெளியீட்டிற்காக உள்ளது. இந்த நிலையில், பாவனா தேர்தலில் போட்டியிட போவதாக தகவல் வெளியாகியுள்ளது. இந்நிலையில் நேற்று தனது புதிய படத்தின் விளம்பர நிகழ்ச்சியில் பாவனா கலந்து கொண்டார். அப்போது பேசிய பாவனா; நான் தேர்தலில் போட்டியிடுவதாக வெளியான செய்தியைப் பார்த்துச் சிரிப்பதா அல்லது அழுவதா என்றே தெரியவில்லை என்று தெரிவித்துள்ளார்.

அத்துடன், இது முற்றிலும் பொய்யான செய்தி என்றும், மிகப்பெரிய ஜோக்,எனக்கு அரசியலுக்கு வரும் எண்ணம் துளியும் இல்லை; இந்த வதந்தி எப்படிப் பரவியது என்றே தெரியவில்லை என்று குறிப்பிட்டுள்ளார்.