இண்டிகோ விமானம் அவசரமாக தரையிறக்கப்பட்டது...! - வெடிகுண்டு மிரட்டல் புரளி என உறுதி...!

தலைநகர் டெல்லியில் இருந்தே இன்று காலை சென்னை நோக்கி புறப்பட்ட இண்டிகோ விமானம், பயண உயரத்தில் சென்று கொண்டிருக்கும்போது சில நிமிடங்களில் பரபரப்பின் மையமாக மாறியது.

மேலும், 100-க்கும் அதிகமான பயணிகள் இருந்த அந்த விமானத்திற்கு, “வெடிகுண்டு உள்ளது” எனும் அதிர்ச்சி மிரட்டல், சென்னை விமான நிலைய அதிகாரிகளுக்கு இ-மெயில் மூலம் கிடைத்தது.செய்தி கிடைத்த சில வினாடிகளில், சென்னை விமான நிலையம் முழுவதும் அவசர நிலை அறிவிக்கப்பட்டது.

இந்த பாதுகாப்பு நடைமுறைகளுக்கிணங்க, விமானம் அவசர தரையிறக்கம் செய்யப்பட்டது.பின்னர், வெடிகுண்டு நிபுணர் படையினர் விமானத்தை சுற்றிவளைத்து தீவிரமான சோதனையில் இறங்கினர்.

இதில் பல மணி நேர ஆய்வுக்குப் பிறகும், எந்தவித வெடிகுண்டு அல்லது ஆபத்தான பொருளும் காணப்படவில்லை. இதன் மூலம், மிரட்டல் பொய்யானது என்பதும் உறுதி செய்யப்பட்டது.

இப்போது, இண்டிகோ விமானத்தை குறிவைத்து இந்த போலி மிரட்டலை விடுத்தது யார்? என்ற கோணத்தில் போலீசார் தீவிரமாக விசாரணை நடத்தி வருகின்றனர்.