இந்தியாவில் மலிவான மொபைல் டேட்டா மற்றும் குறைந்த விலையில் ஸ்மார்ட்போன்கள் கிடைப்பதன் காரணமாக டிஜிட்டல் பயன்பாடு வெகுவாக அதிகரித்துள்ளது. இந்நிலையில், ஸ்மார்ட்போன் பயனாளர்கள் எந்தெந்த செயலிகளில் அதிக நேரத்தைச் செலவிடுகிறார்கள் என்பது குறித்து 'பேங்க் ஆஃப் அமெரிக்கா' நிதிச் சந்தை ஆராய்ச்சி பிரிவு ஆய்வு நடத்தி அறிக்கை வெளியிட்டுள்ளது.

சமூக வலைத்தளங்களில் அதிக நேரம்
இன்ஸ்டாகிராம் & யூ-டியூப்: இந்தியர்கள் ஒரு மாதத்தில் சராசரியாக இன்ஸ்டாகிராம் செயலிக்கு 49 மணி நேரம் 42 நிமிடமும், யூ-டியூப் செயலிக்கு 47 மணி நேரம் 23 நிமிடமும் செலவிடுகின்றனர்.

பேஸ்புக் & எக்ஸ்: முகநூல் (Facebook) பயன்படுத்த மாதத்திற்கு 24 மணி நேரம் 45 நிமிடமும், எக்ஸ் (X) தளத்திற்கு 13 மணி நேரம் 30 நிமிடமும் செலவிடப்படுகிறது.

கேமிங், வாட்ஸ்-அப் மற்றும் ஓ.டி.டி
ஆன்லைன் கேமிங்: இளைஞர்கள் 'ஃப்ரீ ஃபையர்' (Free Fire) விளையாட்டுக்கு மாதத்திற்கு 41 மணி நேரம் 12 நிமிடம் செலவிடுகின்றனர். லுடோ கிங் மற்றும் கேரம் செயலிகளுக்கு முறையே சுமார் 13 மணி நேரம் செலவிடப்படுகிறது.

வாட்ஸ்-அப் & ஓ.டி.டி: வாட்ஸ்-அப் பயன்பாட்டிற்கு மாதத்திற்குச் சராசரியாக 18 மணி நேரம் 49 நிமிடமும், பிரபல ஓ.டி.டி (OTT) தளங்களுக்கு மாதத்திற்கு 10 முதல் 22 மணி நேரம் வரையிலும் செலவிடப்படுகிறது.

பொழுதுபோக்கு மற்றும் சமூக வலைத்தளங்களில் இந்தியர்கள் பெருமளவு நேரத்தைச் செலவிடுவது நாட்டின் அசுர டிஜிட்டல் பொருளாதார வளர்ச்சியைச் சுட்டிக்காட்டுவதாக இந்த ஆய்வு தெரிவிக்கின்றது.