வருமான வரி தாக்கல் செய்ய செப்டம்பர் 15 வரை நீட்டிப்பு..!

2025-26-ஆம் ஆண்டுக்கான வருமான வரி தாக்கல் செய்வதற்கான அவகாசம் ஜூலை 31 லிருந்து செப்டம்பர் 15 ஆக நீட்டித்து வருமான வரித்துறை அறிவிப்பு வெளியிட்டுள்ளது.

இது தொடர்பாக மத்திய நேரடி வரிகள் வாரியம் அறிக்கை வெளியிட்டு கூறியுள்ளதாவது:- முடிந்த 2025-26 மதிப்பீட்டு ஆண்டுக்கான வருமான வரி தாக்கல் செய்வதற்கான கடைசி தேதி ஜூலை 31 லிருந்து செப்டம்பர் 15 ஆக நீட்டிக்கப்பட்டுள்ளது.

அத்துடன், பட்ஜெட்டில் அறிவிக்கப்பட்ட வருமான வரி அறிக்கைகளில் அறிமுகப்படுத்தப்பட்ட விரிவான மாற்றங்களைக் கருத்தில் கொண்டும், 2025-26-க்கான வருமான வரி பயன்பாடுகளின் அமைப்பு தயார்நிலை மற்றும் வெளியீட்டிற்குத் தேவையான நேரத்தைக் கருத்தில் கொண்டும், வருமான வரி தாக்கல் செய்வதற்கான கடைசி தேதி நீட்டிக்கப்பட்டுள்ளது என்று குறிப்பிடப்பட்டுள்ளது.

மேலும், வரி செலுத்துவோருக்கு சுமூகமான மற்றும் வசதியான தாக்கல் அனுபவத்தை எளிதாக்கும் வகையில், இந்த நீட்டிப்பு செய்யப்பட்டுள்ளதாக அறிக்கையில் கூறப்பட்டுள்ளது.