பறக்கும் மெஷின்...பாயும் லஞ்சம்...! டிரோன் இறக்குமதியில் மெகா ஊழல்...! - சிக்கிய மூத்த நிர்வாகி...!

புதுடெல்லி நகரை மையமாகக் கொண்டு வெடித்துள்ள டிரோன் இறக்குமதி லஞ்சச் சிக்கல், கார்ப்பரேட் உலகையே அதிரவைத்துள்ளது. இந்த வழக்கில், ஒரு பெரிய நிறுவனக் குழுவின் உயர்மட்ட நிர்வாகி மீது மத்திய புலனாய்வு அதிகாரிகள் வலை வீசி, அவரை கைது செய்துள்ளனர்.

இதுகுறித்து அதிகாரிகள் தரப்பில் தெரிவிக்கப்படுகின்றதாவது: பாரத் மாதூர் என்ற நபர், முன்னணி நிறுவனத்தில் மூத்த துணைத் தலைவராகப் பணியாற்றி வந்தவர்.

டிரோன்களை வெளிநாடுகளில் இருந்து இறக்குமதி செய்ய தேவையான அனுமதிகளைப் பெறும் பொருட்டு, சிவில் விமானப் போக்குவரத்து இயக்குநரக அதிகாரியிடம் லஞ்சம் வழங்கியதாக அவர்மீது கடுமையான குற்றச்சாட்டுகள் எழுந்துள்ளன.

குறிப்பாக, ஒரு ஏரோஸ்பேஸ் நிறுவனத்தின் திட்டங்களை விரைவாக முன்னேற்றவும், டிரோன் இறக்குமதி செயல்முறைகளை எளிதாக்கவும் இந்த லஞ்சப் பரிமாற்றம் மேற்கொள்ளப்பட்டதாக தெரிவிக்கப்படுகின்றது.

இந்த விவகாரம் வெளிச்சத்துக்கு வந்ததையடுத்து, மத்திய புலனாய்வு நிறுவனம் தீவிர விசாரணையில் இறங்கி, தொடர்புடைய ஆவணங்கள் மற்றும் பரிவர்த்தனைகளை சோதனை செய்து வருவதாக தெரிவிக்கப்படுகின்றது.இந்த லஞ்சச் சிக்கல் மேலும் பல அதிரடி தகவல்களை வெளிக்கொணரும் என எதிர்பார்க்கப்படுகின்றது.