இந்தியாவில் கார், இருசக்கர வாகனம் மற்றும் பிற வாகனங்களைச் சாலையில் ஓட்ட, ஓட்டுநர் உரிமம் கட்டாயமான ஒரு சட்டப்பூர்வ ஆவணமாகும். இது வெறும் அடையாள அட்டை அல்ல; சட்டபூர்வமாக வாகன ஓட்டத்திற்கு வழங்கப்படும் அரசு அனுமதி. இந்த உரிமம் ஒரு குறிப்பிட்ட காலத்திற்கு மட்டுமே செல்லுபடியாகும். அதன் பின்னர் புதுப்பிக்க வேண்டும்.

இந்த தேவையை எளிமைப்படுத்தும் வகையில், இந்திய அரசின் சாலைப் போக்குவரத்து மற்றும் நெடுஞ்சாலை அமைச்சகம் (MoRTH), ஓட்டுநர் உரிமம் புதுப்பிப்பு நடைமுறையை ஆன்லைன் மற்றும் ஆஃப்லைன் முறைகளில் எளிதாக்கியுள்ளது.

உரிமத்தின் செல்லுபடியாகும் காலம்

• தனிப்பட்ட வாகனங்கள்: 20 ஆண்டுகள் அல்லது உரிமையாளருக்கு 50 வயது வரை (எது முதலில் வந்தாலும்).

• வணிக வாகனங்கள்: பொதுவாக 3–5 ஆண்டுகள்.

உரிமம் காலாவதியாகும் முன்பே புதுப்பிக்க வேண்டும். 30 நாட்கள் கால அவகாசம் உண்டு. அதன் பிறகு தாமதம் ஏற்பட்டால் கூடுதல் கட்டணமும் ஆவணங்களும் தேவைப்படலாம்.

 புதுப்பிக்க தேவையான ஆவணங்கள்

• பழைய ஓட்டுநர் உரிமம்

• வயது சான்று (ஆதார் / வாக்காளர் அட்டை)

• முகவரி சான்று

• மருத்துவச் சான்று (40 வயதுக்கு மேல் – Form 1A)

• பாஸ்போர்ட் அளவுள்ள புகைப்படங்கள்

• RTO விண்ணப்பப் படிவம் (ஆன்லைனிலும் கிடைக்கும்)

 ஆன்லைனில் புதுப்பிப்பது எப்படி?

1. https://parivahan.gov.in – இனைப் திறக்கவும்

2. “Online Services” > “Driving Licence Related Services” தேர்வு செய்யவும்

3. உங்கள் மாநிலம் தேர்வு செய்யவும்

4. “Apply for DL Renewal” கிளிக் செய்யவும்

5. உங்கள் உரிமை எண், பிறந்த தேதி உள்ளிட்ட விவரங்களை உள்ளிடவும்

6. ஆவணங்கள், புகைப்படம், டிஜிட்டல் கையொப்பம் பதிவேற்றம் செய்யவும்

7. கட்டணம் செலுத்தவும்

8. விண்ணப்ப நிலையை தொடர்ந்து கண்காணிக்கலாம்

9. உரிமம் அஞ்சலில் உங்கள் முகவரிக்கு அனுப்பப்படும்

ஆஃப்லைனில் புதுப்பிப்பது எப்படி?

1. உங்களது உள்ளூர் RTO அலுவலகம் சென்று விண்ணப்பப் படிவம் எடுக்கவும்

2. தேவையான ஆவணங்களுடன் சேர்த்து சமர்ப்பிக்கவும்

3. புகைப்படம் மற்றும் உரிம விவரங்களைப் பதிவுசெய்யவும்

4. கட்டண செலுத்தல், தேவையான பரிசோதனைகள் முடிக்கவும்

5. சில சந்தர்ப்பங்களில் மருத்துவ பரிசோதனை அல்லது ஓட்டுநர் தேர்வும் தேவைப்படலாம்

வேறு மாநிலத்தில் விண்ணப்பித்தால் NOC சான்றிதழ் தேவைப்படும்.

 கட்டண விவரங்கள்

• உரிய காலக்கெட்டுக்குள் புதுப்பித்தல்: ₹200

• தாமதமாக (30 நாட்களுக்கு மேல்): ₹300

• ஒவ்வொரு ஆண்டு தாமதத்துக்கும் கூடுதல் ₹1,000

 நிலையைச் சரிபார்க்க:

• https://parivahan.gov.in –ல் “Application Status” தேர்வு செய்யவும்

• விண்ணப்ப எண் உள்ளிட்ட விவரங்களை உள்ளிட்டு, விண்ணப்பத்தின் நிலை அறியலாம்

 முடிவில்...

ஓட்டுநர் உரிமத்தை காலம் கடத்தும் முன் புதுப்பித்து, சட்டபூர்வமாக வாகனம் ஓட்டுவது முக்கியம். ஆன்லைனில் சில நிமிடங்களில் செய்யக்கூடிய இந்த நடைமுறை, நேரமும் பணமும் சேமிக்கும் சிறந்த வழி. உங்கள் உரிமம் செல்லுபடியாகுமா என்று இன்றே சென்று சரிபாருங்கள்!