''விபி ஜி ராம் ஜி திட்டம் என்பது உண்மையில் வேலைவாய்ப்பு உரிமையைப் பறிக்கும் திட்டமாகும்'' என்று காங்கிரஸ் பொதுச் செயலாளர் ஜெய்ராம் ரமேஷ் தெரிவித்துள்ளார்.

ஜூலை 01ந் தேதி முதல் விபி ஜி ராம் ஜி சட்டம் நடைமுறைக்கு வந்துள்ளது. இந்த புதிய சட்டத்தின் கீழ் வழங்கப்படும் ஊதியம் நியாயமற்ற வகையில் குறைவாக இருப்பதாகக் கூறி, காங்கிரஸ் கட்சி இந்த திட்டத்தை ரத்து செய்துவிட்டு, வலுப்படுத்தப்பட்ட மகாத்மா காந்தி தேசிய ஊரக வேலைவாய்ப்பு உறுதியளிப்பு திட்டத்தை மீண்டும் கொண்டுவருமாறு வலியுறுத்தி வருகிறது.

இந்நிலையில், மத்திய அரசின் திருத்தப்பட்ட விபி ஜி ராம் ஜி சட்டத்தை விமர்சித்து, ஜம்மு-காஷ்மீரின் முன்னாள் நிதியமைச்சர் ஹசீப் திராபு எழுதிய கட்டுரை ஒன்றை காங்கிரஸ் பொதுச் செயலாளர் ஜெய்ராம் ரமேஷ் பகிர்ந்துள்ளார்.

இது குறித்து அவரின் எக்ஸ் பதிவில் குறிப்பிடப்பட்டுள்ளதாவது;

Haseeb Drabu, one of India’s finest economists and the former Finance Minister of J&K, has written a very incisive article exposing the realities of the VB G RAM G that has been bulldozed through to replace the transformational MGNREGA.

VB G RAM G is really Rozgar Adhikar… pic.twitter.com/osYFat3QGV

— Jairam Ramesh (@Jairam_Ramesh) July 8, 2026

"இந்தியாவின் சிறந்த பொருளாதார நிபுணர்களில் ஒருவரும், ஜம்மு - காஷ்மீரின் முன்னாள் நிதியமைச்சருமான ஹசீப் திராபு, புரட்சிகரமான மகாத்மா காந்தி ஊரக வேலைவாய்ப்பு உறுதியளிப்பு திட்டத்துக்கு மாற்றாக அவசர அவசரமாகக் கொண்டுவரப்பட்ட விபி ஜி ராம் ஜி திட்டத்தின் யதார்த்தங்களை வெளிப்படுத்தும் வகையில் மிகத் தெளிவான ஒரு கட்டுரையை எழுதியுள்ளார்.

விபி ஜி ராம் ஜி திட்டம் என்பது உண்மையில் வேலைவாய்ப்பு உரிமையைப் பறிக்கும் திட்டமாகும். கிராமப் பஞ்சாயத்துகளுக்கு அதிகாரமளித்த வேலைவாய்ப்புக்கான அரசியலமைப்பு உரிமையை பறித்துவிட்டு, மாநில அரசுகள் மீது தாங்க முடியாத நிதிச் சுமையை சுமத்தும் ஒரு திட்டமாக இது மாற்றப்பட்டுள்ளது.

இந்த புதிய சட்டம், மக்களை இந்தத் திட்டத்திலிருந்து விலக்கி வைப்பதற்காகவே கொண்டு வரப்பட்டுள்ளது. மகாத்மா காந்தி தேசிய ஊரக வேலைவாய்ப்பு உறுதியளிப்பு திட்டத்தைப் போல இது ஆண்டு முழுவதும் செயல்படுத்தப்படும் திட்டம் அல்ல'' என்று தெரிவித்துள்ளார்.