அரியானா மாநிலம் பானிபட் அருகே நவுலதா கிராமத்தில் நடந்த திருமண விழா, மகிழ்ச்சியைக் கிழிக்கும் மோசமான சம்பவத்தால் கலக்கத்தில் முடிந்தது. விழாவில் சுறுசுறுப்பாக ஓடி விளையாடிக் கொண்டிருந்த 6 வயது சிறுமி திடீரென காணாமல் போனதும், திருமண வீட்டில் பரபரப்பு வெடித்தது.

உறவினர்கள் எல்லாத் திசையிலும் அவளைத் தேடி அலையும்போது, மண்டபத்தின் ஓரத்தில் இருந்த பெரிய தண்ணீர் வாளியில் சிறுமி தலைகீழாக மூழ்கிய நிலையில் கிடந்தது அனைவரையும் மின்னல் தாக்கியதைப் போல அதிர்ச்சியில் ஆழ்த்தியது.உடனடியாக மருத்துவமனைக்கு அழைத்துச் சென்றாலும், சிறுமி ஏற்கெனவே மரணம் அடைந்தது உறுதி செய்யப்பட்டது.

ஆரம்பத்தில் இது துரதிஷ்டவசமான விபத்து என்று நினைத்த உறவினர்களையும், போலீசாரையும் வீடியோ சிசிடிவி காட்சிகள் முற்றிலும் வேறு திசைக்குத் தள்ளின. சிறுமி கடைசியாக திருமண வீட்டின் அத்தை பூனம் (34) உடன் மாடிப்படி ஏறிச் சென்றது காட்சிகளில் பதிவாக இருந்தது.

பூனம் உடனடியாக கைது செய்யப்பட்டார். விசாரணையில் வெளிவந்த தகவல்கள் அரியானாவையே அல்ல, முழு நாட்டையும் அதிர்ச்சியில் ஆழ்த்தியவை. தன்னைவிட யாரும் அழகாக இருக்கக் கூடாது என்ற கொடிய பொறாமை பூனத்தைக் கொலைகாரியாக மாற்றியிருப்பது போலீஸ் விசாரணையில் உறுதியானது.முதலில் சிறுமியிடம் இனிமையாக பேசிய பூனம், பின்னர் “வாளியில் தண்ணீர் கொண்டு வா” என சொல்லி அவளை மாடிக்கு அழைத்துச் சென்றுள்ளார்.

அரியாமலே அந்த உத்தரவை ஏற்றுக் கொண்ட குழந்தை, தண்ணீர் நிறைந்த வாளியுடன் வந்தது. அப்போது பூனம், கதவை உள்ளே பூட்டி விட்டு, வாளிக்குள் சிறுமியின் தலையை வன்மையாக அமுக்கி கொலை செய்துள்ளார். பின்னர் எதுவும் நடக்காதது போல திருமண கொண்டாட்டத்தில் கலந்து கொண்டதும் விசாரணையில் தெரியவந்தது.ஆனால் அதிர்ச்சி இதோடு முடிவடையவில்லை.

போலீசார் ஆழ்ந்து விசாரித்தபோது, இது பூனத்தின் முதல் கொலை இல்லை என்பது தெரியவந்தது. மொத்தம் மூன்று குழந்தைகளை தனது பொறாமை கொளுத்தும் கோபத்தில் கொலை செய்திருக்கிறார்.2013: தனது மைத்துனியின் 9 வயது மகள் இஷிகா, தண்ணீர் தொட்டியில் மூழ்கடித்து கொலை.

இதை தனது 3 வயது மகன் சுபத் பார்த்துவிட்டதால், அவன் வெளியே சொல்லிவிடுவான் என பயந்து சுபத்தையும் கொன்றார்.2023 ஆகஸ்ட்: தாய் வீட்டில் உறவினரின் 6 வயது மகள் ஜியாவை தண்ணீரில் மூழ்கடித்து கொன்றார்.இத்தனை கொலைகளும் தவறுதலாக நடந்த விபத்துகள் என உறவினர்கள் நம்பும்படி பூனம் நடித்து வந்துள்ளார்.

ஆனால் சமீபத்திய கொடூர சம்பவத்தில் போலீஸ் சந்தேகம் அதிகரித்ததால், பூனம் இறுதியில் அனைத்தையும் ஒப்புக்கொண்டார்.“என்னை விட அழகாக யாரும் இருக்கக் கூடாது”, இந்த ஒரு வரி, மூன்று பசுமை பூமிகளின் உயிரையும், மூன்று குடும்பங்களின் உலகத்தையும் சிதைத்துவிட்டது.இந்த மிரளவைக்கும் கொலை வரிசை அரியானா மாநிலத்தை மட்டுமல்ல, நாடு முழுவதையும் நடுங்க வைத்துள்ளது.