ஆந்திரப் பிரதேசத்தில் பிறப்பு விகிதம் (1.5) சரிந்து வருவதைச் சரிசெய்து, அதை 2.1 ஆக உயர்த்தும் நோக்கில் முதலமைச்சர் சந்திரபாபு நாயுடு 'புதிய மக்கள் தொகை மேலாண்மைக் கொள்கை' வரைவுத் திட்டத்தைச் சட்டப்பேரவையில் வெளியிட்டுள்ளார்.

தம்பதிகளுக்கான மெகா சலுகைகள்:

 பணமுடிப்பு: இரண்டாவது மற்றும் மூன்றாவது குழந்தையைப் பெற்றெடுக்கும் தம்பதிகளுக்கு ₹25,000 ஊக்கத்தொகை வழங்கப்படும்.

 3-வது குழந்தைக்குச் சிறப்புப் பாதுகாப்பு: மூன்றாவது குழந்தைக்கு 5 வயது வரை மாதம் ₹1,000 ஊட்டச்சத்து உதவித்தொகையும், 18 வயது வரை இலவசக் கல்வியும் வழங்கப்படும்.

 பெற்றோர் விடுமுறை: குழந்தைப் பேறுக்காகத் தாய்க்கு 12 மாதங்கள் (1 ஆண்டு) மற்றும் தந்தைக்கு 2 மாதங்கள் விடுமுறை அளிக்கப்படும்.

இலவச IVF சிகிச்சை: குழந்தை இல்லாத தம்பதிகளுக்கு அரசு மருத்துவமனைகளில் பிபிபி (PPP) முறையில் அதிநவீன 'ஐவிஎஃப்' சிகிச்சை இலவசமாக வழங்கப்படும்.

அடுத்த கட்டம்:

இந்தத் திட்டம் குறித்து ஒரு மாதம் பொதுமக்களிடம் கருத்து கேட்கப்படும். வரும் மார்ச் இறுதிக்குள் கொள்கை இறுதி செய்யப்பட்டு, ஏப்ரல் 1 முதல் மாநிலம் முழுவதும் அதிகாரப்பூர்வமாக நடைமுறைக்கு வரும் என அறிவிக்கப்பட்டுள்ளது.

> பார்வை: தென்னிந்தியாவில் முதியவர்களின் எண்ணிக்கை அதிகரித்து வருவதைத் தடுத்து, இளைஞர்களின் பங்களிப்பை உறுதி செய்யவே இந்த அதிரடி மாற்றங்களை ஆந்திர அரசு முன்னெடுத்துள்ளது.