மருமகனுக்கு 290 வகை உணவுகள்: ஆந்திர மாமியாரின் பிரம்மாண்ட ‘தல பொங்கல்’ விருந்து!

ஆந்திர மாநிலம் விசாகப்பட்டினத்தில், தனது புதிய மருமகனை வரவேற்பதற்காக மாமியார் ஒருவர் 290 வகையான உணவுகளைத் தயாரித்து வழங்கிய சுவாரசியமான நிகழ்வு சமூக வலைதளங்களில் வைரலாகி வருகிறது.

விருந்தின் சிறப்பு:

இடம்: விசாகப்பட்டினம் நர்சிப்பட்டினத்தைச் சேர்ந்த ரமேஷ் குமார் - கலாவதி தம்பதியினர், தங்களது மகளைத் திருமணம் செய்துள்ள புதிய மருமகனுக்கு இந்தப் பிரம்மாண்ட விருந்தை அளித்தனர்.

மெனு விபரங்கள்: ஆடு, கோழி, மீன், முட்டை எனப் பலவித அசைவ உணவுகள், விதவிதமான இனிப்புகள், கார வகைகள் மற்றும் பாரம்பரிய உணவுகள் என மொத்தம் 290 பதார்த்தங்கள் சமைக்கப்பட்டு அறை முழுவதும் அடுக்கி வைக்கப்பட்டிருந்தன.

சர்ப்ரைஸ் நிகழ்வு: மருமகனை ஆச்சரியப்படுத்த எண்ணிய குடும்பத்தினர், அவரது கண்களைத் துணியால் கட்டி உணவு அறைக்கு அழைத்து வந்தனர். கண்கட்டை அவிழ்த்தபோது, மலைபோலக் குவிக்கப்பட்டிருந்த உணவுகளைக் கண்டு அந்த மருமகன் ஒரு நிமிடம் திகைத்துப் போனார்.

ஆந்திராவில் சமீபகாலமாகப் புதுமாப்பிள்ளைகளுக்கு 100-க்கும் மேற்பட்ட உணவுகளைப் பரிமாறி கௌரவிக்கும் கலாச்சாரம் பெருகி வருகிறது. சங்கராந்தி பண்டிகையையொட்டி நடைபெற்ற இந்த 290 வகை உணவு விருந்து, முந்தைய சாதனைகளை முறியடித்துப் பேசும் பொருளாகியுள்ளது.