மகா​ராஷ்டி​ரா​வில் கடந்த 2022-இல் சிவசேனா கட்​சி​யில் பிளவு ஏற்​பட்​ட நிலையில், ஏக்​நாத் ஷிண்டே தலை​மையி​லான அணி பாஜக கூட்​ட​ணி​யில் இணைந்​தது. தற்போது உத்​தவ் தாக்​கரே தலை​மையி​லான அணி​யைச் சேர்ந்த 09 மக்​களவை எம்​.பி.க்​களில் 06 பேர் கடந்த சில தினங்​களுக்கு முன்பு ஷிண்டே தலைமையிலான சிவசே​னா​வில் இணைந்​தனர். இது மஹாராஷ்டிரா அரசியலில் புதிய புகைச்சலை கிளப்பியது.

கடந்த 02 நாட்களுக்கு முன்பு, சிவசேனா (உத்​தவ்), தேசி​ய​வாத காங்​கிரஸ் (சரத் பவார்), காங்​கிரஸ் கட்​சிகள் அடங்​கிய மகா விகாஸ் அகாடி கூட்​ட​ணிக் கட்சி எம்​எல்​ஏ-க்​கள் கூட்​டம் நடை​பெற்​றது. இதில் ​கூட்​ட​ணி​யைச் சேர்ந்த 60 எம்​எல்​ஏ.க்​களில் 37 பேர் மட்​டுமே பங்​கேற்​று கூட்டணிக்கு அதிர்ச்சி கொடுத்தனர்.

இந்​நிலை​யில், உத்​தவ் தாக்​கரே சிவசே​னாவைச் சேர்ந்த 20 எம்​எல்​ஏ-க்​களில் 14 பேர், துணை முதல்​வர் ஏக்​நாத் ஷிண்டே தலைமையி​லான சிவசே​னா​வில் இணைய உள்​ள​தாக மகாராஷ்டிர அமைச்​சரும் ஷிண்டே கட்​சி​யின் மூத்த தலைவருமான குலாப் ராவ் பாட்​டீல் தெரி​வித்​து மீண்டும் அக்கட்சிக்கு அதிர்ச்சி கொடுத்துள்ளார்.

இது குறித்து சிவசேனாவின் அமைச்​சர் உதய சமந்த் கூறுகையில், ''அப்​படிப்​பட்ட ஆபரேஷன் எது​வும் நடக்​க​வில்​லை. ஆனால் எதிர்க்​கட்சி எம்​எல்​ஏ.க்​கள் பலர் தாங்​களாகவே ஷிண்​டேவுடன் இணைய ஆர்​வம் காட்​டு​கின்​றனர்'' என்று குறிப்பிட்டுள்ளார்.