பணியிட விபரங்கள் மற்றும் ஊதியம்

இந்திய அஞ்சல் துறையில் கிராம அஞ்சல் பணியாளர்கள் (GDS), கிளை போஸ்ட் மாஸ்டர் மற்றும் உதவி கிளை போஸ்ட் மாஸ்டர் ஆகிய பணியிடங்களுக்கான வேலைவாய்ப்பு அறிவிப்பு வெளியாகியுள்ளது. நாடு முழுவதும் 25,000-க்கும் மேற்பட்ட காலிப்பணியிடங்கள் நிரப்பப்படவுள்ள நிலையில், தமிழ்நாட்டிற்கு மட்டும் 2,095 இடங்கள் ஒதுக்கப்பட்டிள்ளன.

ஊதிய விவரம்: கிராம அஞ்சல் பணியாளர்களுக்கு ரூ.12,000 முதல் ரூ.29,380 வரையிலும், கிளை மற்றும் உதவி கிளை போஸ்ட் மாஸ்டர் பணியிடங்களுக்கு ரூ.10,000 முதல் ரூ.24,470 வரையிலும் சம்பளம் வழங்கப்படும்.

கல்வித்தகுதி மற்றும் வயது வரம்பு

கல்வித்தகுதி: பத்தாம் வகுப்பு (10th Standard) தேர்ச்சி பெற்றிருந்தால் போதுமானது. விண்ணப்பதாரர்கள் தமிழை ஒரு பாடமாகப் படித்து தேர்ச்சி பெற்றிருக்க வேண்டும். மேலும், அடிப்படை கணினி அறிவும் சைக்கிள் ஓட்டத் தெரிந்திருக்க வேண்டியதும் அவசியமாகும்.

வயது வரம்பு: 21.09.2026 தேதியின்படி 18 வயது முதல் 40 வயதுக்குள் இருக்க வேண்டும். எஸ்சி, எஸ்டி மற்றும் ஓபிசி பிரிவினருக்கு அரசின் விதிகளின்படி வயது வரம்பில் தளர்வு உண்டு.

தேர்வு முறை மற்றும் விண்ணப்பக் கட்டணம்

தேர்வு முறை: இப் பணியிடங்களுக்கு எவ்வித எழுத்துத் தேர்வும் இன்றி, பத்தாம் வகுப்பில் பெற்ற மதிப்பெண்கள் அடிப்படையில் மட்டுமே விண்ணப்பதாரர்கள் தேர்வு செய்யப்படுவர்.

விண்ணப்பக் கட்டணம்: பொதுப் பிரிவினருக்கு ரூ.100 விண்ணப்பக் கட்டணமாக நிர்ணயிக்கப்பட்டுள்ளது. பெண்கள், எஸ்சி மற்றும் எஸ்டி பிரிவினருக்கு விண்ணப்பக் கட்டணம் எதுவும் கிடையாது.

முக்கிய தேதிகள் மற்றும் விண்ணப்பிக்கும் முறை

தகுதியும் விருப்பமும் உள்ளவர்கள் indiapost.gov.in அல்லது indiapost.gov.in/gdsonlineengagement என்ற அதிகாரப்பூர்வ இணையதளம் மூலம் ஆன்லைனில் மட்டுமே விண்ணப்பிக்க முடியும்.

ஒருமுறை பதிவு (Registration): 31.08.2026 முதல் 19.09.2026 வரை

விண்ணப்பப் பதிவு (Application Submission): 02.09.2026 முதல் 21.09.2026 வரை

விண்ணப்பத் திருத்தங்கள் (Correction Window): 23.09.2026 முதல் 24.09.2026 வரை மேற்கொள்ளலாம்.