"லியோ 2" எப்போது?...லோகேஷ் கனகராஜ் கொடுத்த இன்ப அதிர்ச்சி!

தமிழ் சினிமாவில் முன்னணி நடிகராக திகழும் தளபதி விஜய் தற்போது, தமிழகம் வெற்றி கழகம் கட்சியை துவங்கியதோடு கட்சி மாநாட்டை நடத்தி முடித்து அரசியலில் குதித்துள்ளார். இதற்கிடையே, இயக்குனர் லோகேஷ் கனகராஜ் இயக்கத்தில் நடிகர் விஜய் நடித்த லியோ படம், கடந்த ஆண்டு அக்டோபர் மாதம் 19-ம் தேதி திரையரங்குகளில் வெளியாகி பிரம்மாண்ட வரவேற்பை பெற்றது.

லியோ படத்தில் நடிகர் விஜய்யுடன், பாலிவுட் நடிகர் சஞ்சய் தத், இயக்குனர் மிஷ்கின், கெளதம் வாசுதேவ் மேனன், நடிகை பிரியா ஆனந்த், த்ரிஷா, அர்ஜுன், மன்சூர் அலிகான் உள்ளிட்ட மிகப்பெரிய நட்சத்திர பட்டாளமே நடித்தனர்.

தொடர்ந்து, இன்ப அதிர்ச்சி தரும் தகவலாக லியோ திரைப்படம் 2 பாகங்களாக வெளியிட லோகேஷ் கனகராஜ் முடிவு செய்ததாக தகவல் வெளியானது.

இந்த நிலையில், நடிகர் கவின் நடித்த பிளடி பெக்கர் திரைப்படத்தை பார்த்த பின்பு, லோகேஷ் கனகராஜ் செய்தியாளர்களிடம் பேசினார். அப்போது, லியோ 2 குறித்து செய்தியாளர்கள் எழுப்பிய கேள்வி பதிலளித்த அவர், லியோ 2 குறித்து விஜய் அண்ணாதான் சொல்லவேண்டும் என்றும், அவர் சரி சொன்னால் கண்டிப்பாக லியோ 2 வரும் என்று கூறியுள்ளார்.