அர்​ஜுன் தாஸ் நாயகனாகவும், ஐஸ்​வர்யா லட்​சுமி நாயகியாகவும் நடித்​துள்ள வெப் தொடர் ‘லவ்’. இந்த தொடரை பாலாஜி மோகன் இயக்கியுள்ளார். அக்​.2-ஆம் தேதி நெட்​பிளிக்​ஸில் வெளி​யாக இருக்​கும் இந்த வெப் தொடருக்கு சவுந்​தர்யா ரஜினி​காந்த், ஷோ-ரன்​ன​ராக​வும் தயாரிப்​பாள​ராக​வும் பணி​யாற்​றி​யுள்​ளார். 

இதன் டிரெய்​லர் வெளி​யீட்டு விழா சென்​னை​யில் நடை​பெற்​றது. இதில் நெட்​பிளிக்ஸ் நிறு​வனத்​தைச் சேர்ந்த மோனிகா ஸ்ரீவாஸ்​தவ் உள்பட படக்குழுவினர் மற்​றும் திரை​யுல​கைச் சேர்ந்த பிரபலங்​கள் கலந்துகொண்டனர்.

விழாவில் இயக்​குநர் பாலாஜி மோகன் பேசும்​போது கூறியதாவது, ''காதல் என்​பது உலகில் யாராலும் முழு​மை​யாகப் புரிந்​து​கொள்ள முடி​யாத விஷ​யம். அதனால்​தான் நான் மீண்​டும் மீண்​டும் காதலைப் பற்றி கதைகள் சொல்லி வரு​கிறேன்.

ஆண்​கள், பெண்​களைப் பற்​றி​யும், பெண்கள், ஆண்​களைப் பற்​றி​யும் தெரிந்​து​கொள்​வது என்​பது பல தலை​முறை​களாகத் தொடர்ந்து கொண்​டிருக்​கும் ஒரு பயணம். இன்​னும் பல ஆண்​டு​கள் சென்​றாலும் காதலை முழு​மை​யாகப் புரிந்​து​கொள்ள முடி​யாது என்​பது​தான் அதன் சிறப்​பு என்று குறிப்பிட்டுள்ளார்.

அத்துடன், தனக்கும் காதலைப் பற்றி முழு​மை​யாகத் தெரி​யாது. மற்ற அனை​வரை​யும் போலவே தானும் அதை புரிந்​து​கொள்ள முயற்​சித்​துக் கொண்​டிருக்​கிறேன்என்றும்,  அதனால்​தான் காதல் கதைகளைத் தொடர்ந்து திரை​யில் சொல்ல வேண்​டும் என்ற ஆர்​வம் தனக்கு இருக்​கிறது என்று தெரிவித்துள்ளார்.

அதே நேரத்​தில், திரைப்​படங்​களில் வரும் காதல் கதைகளைப் பார்த்து நிஜ வாழ்க்​கை​யிலும் அதே​போன்ற எதிர்​பார்ப்​பு​களை உரு​வாக்​கிக் கொள்​ளக்​கூ​டாது என்​ப​தில் கவன​மாக இருப்பதாகவும் சுட்டிக்காடடி பேசியுள்ளார்.

மேலும், முடிந்​தவரை  தன்னுடைய கதைகளை நிஜ வாழ்க்​கைக்கு நெருக்கமாக​வும், அதே நேரத்​தில் பார்​வை​யாளர்​கள் தங்​களு​டன் தொடர்​புப்​படுத்​திக் கொள்​ள​ முடிகிற வகை​யிலும் உரு​வாக்க முயல்​கிறதாகவும் கூறியுள்ளார்.

அதேமாதிரிதான் ‘லவ்’ தொடரை​யும் அப்படித்தான் உருவாக்கியுள்ளதாகவும், காதலைப் பற்​றிய சில கனவுகளை​யும், நிஜ வாழ்க்​கைக்கு நெருக்​க​மான உணர்​வு​களை​யும் இணைத்து இந்தக் கதையைச் சொல்ல முயற்​சித்​துள்​ளோம் என்றும் இயக்குநர் பாலாஜி மோகன் பேசியுள்ளார்.