மகேஷ் பாபு – ராஜமௌலி படத்துக்கு டைட்டில் சர்ச்சை: ‘வாரணாசி’ பெயர் மாற்றம்… புதிய தலைப்பு இதோ! - Seithipunal
Seithipunal


மகேஷ் பாபு – எஸ்.எஸ். ராஜமௌலி கூட்டணியில் உருவாகி வரும் பெரும் படைப்பு வாரணாசி, வெளியாவதற்குமுன் தலைப்பு சர்ச்சையில் சிக்கியது. ரூ.1300 கோடி பட்ஜெட்டில் உருவாகும் இந்த உலகளாவிய சாகச காவியத்தில் பிரியங்கா சோப்ரா, பிரித்விராஜ் சுகுமாரன் உள்ளிட்ட பலர் முக்கிய கதாபாத்திரங்களில் நடித்துள்ளனர். கீரவாணி இசை அமைக்கும் இந்த படம் 2027ல் வெளியாக உள்ளது.

ஆப்பிரிக்க காடுகள், டைம்-டிராவல் கான்செப்ட், ராமாயணத்தின் லங்கா தகனம் சம்பவம் போன்றவை கதையின் மையம் என்று ராஜமௌலி கூறிய நிலையில், மகேஷ் பாபு ராமனின் உருவில் தோன்றுவார் எனவும் தகவல் வெளியாகியுள்ளது. ஹாலிவுட் தரத்தில் உருவாகும் ஒரு மாபெரும் விசுவல் அனுபவமாக இருக்கும் என படக்குழு கூறி வருகிறது.

ஆனால், வாரணாசி என்ற தலைப்பை முன்பே "ராமபக்த ஹனுமா" என்ற நிறுவனம் பதிவு செய்திருப்பதால், தலைப்பு உரிமை சர்ச்சை எழுந்தது. இதைப் பற்றி தயாரிப்பாளர்கள் அதிகாரப்பூர்வ புகார் அளித்தனர். இதையடுத்து, ராஜமௌலி தனது படத்தின் தலைப்பை மாற்ற முடிவு செய்துள்ளார்.

புதிய தகவல்களின்படி, இந்த படம் ‘ராஜமௌலி வாரணாசி’ என்ற பெயரில் தெலுங்கில் வெளிவர உள்ளது. மேலும், ஆரம்பத்தில் இரண்டு பாகங்களாக உருவாக்கப்படும் என கூறப்பட்டிருந்தாலும், தற்போது ஒரே பாகமாக உருவாக்கப்பட இருப்பதாகவும் தெரிவிக்கப்படுகிறது. படத்தில் மகேஷ் பாபு இரட்டை வேடத்தில் நடிப்பார் என்றும் கூறப்படுகிறது.

புதிய தலைப்பு அறிவிக்கப்பட்டதால், படத்தைச் சுற்றியிருந்த சர்ச்சை தணிந்த நிலையில், இந்த மாற்றம் ரசிகர்களிடையே புதிய ஆர்வத்தை எழுப்பியுள்ளது.


இதுபோன்ற செய்திகளை உடனுக்குடன் உங்கள் வாட்ஸாப்பில் பெறுவதற்கு, எங்கள் வாட்ஸாப் சேனலை பின்தொடரவும்... https://whatsapp.com/channel/0029Va56Sr94Y9ltw5vAiI1S


English Summary

Title controversy for Mahesh Babu Rajamouli film Varanasi name changed Here is the new title


கருத்துக் கணிப்பு

திமுக கூட்டணியிலிருந்து காங்கிரஸ் விலகினால் யாருக்கு பாதிப்பு?



Advertisement

கருத்துக் கணிப்பு

திமுக கூட்டணியிலிருந்து காங்கிரஸ் விலகினால் யாருக்கு பாதிப்பு?




Seithipunal
--> -->