உடலை ‘சிக்ஸ் பேக்’ வடிவத்திற்கு மாற்றுவது சாதாரண விஷயம் அல்ல, அது மிகுந்த கட்டுப்பாடு, தியாகம் மற்றும் கடுமையான உழைப்பை கோரும் ஆபத்தான முயற்சி என நடிகர் பரத் எச்சரிக்கை விடுத்துள்ளார்.

இதைப் பற்றி பலமுறை பேசியிருப்பதாகவும், யாரும் இந்த முயற்சியில் அவசரமாக இறங்க வேண்டாம் என்றும் அவர் வலியுறுத்தினார்.555 திரைப்படத்திற்காக தன்னுடைய உடலை முற்றிலும் மாற்றிக் கொண்டு ‘சிக்ஸ் பேக்’ உடற்கட்டைப் பெற பரத் கடுமையான பயிற்சிகளையும் கடினமான உணவுக் கட்டுப்பாடுகளையும் பின்பற்றினார்.

அந்த அனுபவத்தை பகிர்ந்துகொண்ட அவர், இது உடலுக்கு பெரும் சுமையை ஏற்படுத்தும் சோதனை எனத் தெரிவித்தார்.“சிக்ஸ் பேக் என்பது கவர்ச்சியாகத் தோன்றலாம். ஆனால் அதன் பின்னால் அளவிட முடியாத தியாகம் இருக்கிறது.

தினசரி வாழ்க்கை முறையே தலைகீழாக மாற வேண்டும். எளிதாக சொல்லலாம், ஆனால் அதை செயல்படுத்துவது மிகவும் கஷ்டம்” என்றார்.மேலும், “ஒருமுறை செய்து பார்க்கலாம் என்றால் செய்து விடுங்கள்.

ஆனால் அதை நீண்ட காலம் தொடர்ந்து வைத்திருக்க முயற்சிக்காதீர்கள். அது உடல்நலத்திற்கு பாதிப்பு தரும். அந்த படத்திற்காக ஒன்றரை ஆண்டுகள் கோழிக்கறி, முட்டை, உலர் திராட்சை, பிஸ்கெட் போன்ற கட்டுப்பட்ட உணவுகளை மட்டுமே சாப்பிட்டு வாழ்ந்தேன்.

அது உடலுக்கு கடினமான பயணம். அதனால் யாரும் தேவையில்லாமல் ‘சிக்ஸ் பேக்’ முயற்சியில் ஈடுபட வேண்டாம்” என்று அவர் தெளிவுபடுத்தினார்.