'என்னுடைய அடுத்த படத்தில் புதுமுக நடிகர்கள் தான்'...! - 'கார்த்திக் சுப்புராஜ்

கடந்த 1-ம் தேதி, தமிழ் திரையுலகின் முன்னணி இயக்குனர் 'கார்த்திக் சுப்புராஜ்' இயக்கத்தில் நடிகர் 'சூர்யா' நடிப்பில் வெளியான படம் 'ரெட்ரோ'.

பிரபல நடிகை 'பூஜா ஹெக்டே' கதாநாயகியாக நடித்துள்ள இப்படத்தில் ஜோஜு ஜார்ஜ், ஜெயராம், கருணாகரன் மற்றும் பலர் முக்கிய கதாபாத்திரத்தில் நடித்துள்ளனர்.

மேலும்,ரூ.70 கோடிக்கும் அதிகமாக வசூல் செய்துள்ள இப்படம் கலவையான விமர்சனங்களை மக்களிடையே பெற்று வருகிறது. இந்த நிலையில், அண்மையில் அளித்த பேட்டி ஒன்றில் இயக்குனர் 'கார்த்திக் சுப்புராஜ்' தனது அடுத்த பட அப்டேட் கொடுத்தார்.

கார்த்திக் சுப்புராஜ்:

அப்போது அவர் தெரிவிக்கையில், "ரெட்ரோவுக்கு பிறகு என்னுடைய அடுத்த படம் ஒரு சுயாதீன படமாக இருக்கலாம். பல நாட்களுக்கு முன்பே இதன் ஸ்கிரிப்ட் தயாராகி விட்டது.

சிறிய பட்ஜெட்டில் புதுமுக நடிகர்களை வைத்து இப்படத்தை உருவாக்க உள்ளேன்" எனத் தெரிவித்துள்ளார்.