தமிழ் திரையுலகில் நடிகராகவும், இயக்குனராகவும் தனக்கென ஒரு தனி அடையாளத்தை உருவாக்கிய தனுஷ், தற்போது தனது 4-வது இயக்குநர் முயற்சியாக ‘இட்லி கடை’ படத்தை உருவாக்கி வருகிறார். அவரே இப்படத்தில் ஹீரோவாகவும் களமிறங்க, இசையை இளைய இசைபுயல் ஜி.வி.பிரகாஷ் கையாண்டுள்ளார்.

மேலும், டான் பிக்சர்ஸ் நிறுவனம் பெரும் பொருட்செலவில் இந்த படத்தை தயாரித்துள்ளது.இப்படத்தில் அருண் விஜய், சத்யராஜ்,ராஜ்கிரண், நித்யா மேனன், பார்த்திபன் போன்ற பல்வேறு நட்சத்திரங்கள் வலுவான கதாபாத்திரங்களில் நடித்திருப்பதால், படத்துக்கான எதிர்பார்ப்பு ரசிகர்களிடையே வானளவில் உயர்ந்துள்ளது.

அதிலும், குறிப்பாக, அருண் விஜய் வில்லன் வேடத்தில் களமிறங்கியிருப்பது கூடுதல் ஆச்சர்யமாக உள்ளது.இதனிடையே, பெரும் எதிர்பார்ப்பில் உருவாகியுள்ள ‘இட்லி கடை’ வருகிற அக்டோபர் 1-ம் தேதி திரையரங்குகளில் வெளியாக இருக்கிறது.

இதற்கான இசை வெளியீட்டு விழா, நாளை சென்னை நேரு மைதானத்தில் நடைபெறவுள்ளதாக படக்குழு அறிவித்துள்ளது.இதற்கிடையில், கதாபாத்திரங்களின் தனித்தனி போஸ்டர்கள் ரசிகர்களிடம் வெளியிடப்பட்டு வருகின்றன.

அதில் அண்மையில், வெளியான போஸ்டரில் நடிகை ஷாலினி பாண்டே, ‘மீரா’ என்ற கதாபாத்திரத்தில் மிகுந்த தீவிரத்துடன் அறிமுகமாகுவது பரபரப்பை ஏற்படுத்தியுள்ளது.