இசையமைப்பாளர் கங்கை அமரன் மருத்துவமனையில் அனுமதிக்கப்பட்டுள்ளார்..!

இயக்குநர், இசையமைப்பாளர், நடிகர் என பன்முகம் கொண்ட கங்கை அமரன் மருத்துவமனையில் அனுமதிக்கப்பட்டு உள்ளார்.

சிவகங்கை மாவட்டம் மானாமதுரையில் பகுதிகளில் படப்பிடிப்பு நடந்து கொண்டிருந்த போது அவருக்கு திடீரென உடல்நலக் குறைவு ஏற்பட்டுள்ளது.

இதனைத் தொடர்ந்து அவர், மானாமதுரை அரசு மருத்துவமனையில் அனுமதிக்கப்பட்டார். அங்கு அவருக்கு முதலுதவி சிகிச்சைகள் அளிக்கப்பட்டன. தற்போது மேல் சிகிச்சைக்காக அவர் மதுரைக்கு அனுப்பி வைக்கப்பட்டுள்ளார்.

77 வயதாகும் கங்கை அமரன், பன்முக கலைஞர்.இவர் தமிழில் ஒரு விடுகதை ஒரு தொடர்கதை என்ற படத்தின் மூலம் 1979-ஆம் ஆண்டு இசைமையப்பாளராக திரைத் துறையில் அறிமுகம் ஆனார்.

அத்துடன், கோழிக் கூவுது படத்தின் மூலம் 1982-இல் இயக்குநராக அறிமுகமானார். பல படங்களுக்கு பாடல்களை எழுதிய அவர், பாடல்களையும் பாடியுள்ளார்.மேலும் பல படங்களில் நடிகராகவும் பணியாற்றியுள்ளார்.