பிக்பாஸ் தமிழ் ஒன்பதாவது சீசன் தொடங்கியதிலிருந்து சர்ச்சைகள் ஆறவே இல்லை. முந்தைய சீசன்களுடன் ஒப்பிடும்போது இந்த சீசனின் போட்டியாளர்களே அதிகமான ஒழுங்கீனமும், கட்டுப்பாடின்மையும் காட்டுவதாக பார்வையாளர்களே அல்லாமல் பிக்பாஸும் நேரடியாக எச்சரித்துள்ளார். ஆனால், இதுவரை போட்டியாளர்கள் எந்த மாற்றமும் காட்டாமல் நடந்து வருகின்றனர்.

இந்த சூழலில், சமீபத்தில் போட்டியாளர் எஃப்ஜே (FJ) செய்த செயல் ரசிகர்களை வெகுவாக கோபமடைய வைத்துள்ளது. வீட்டுக்குள் தனது அருகில் அமர்ந்திருந்த கனியை கட்டிப்பிடித்து, கழுத்தில் முத்தம் கொடுத்தார் என்கிற காட்சி ஒளிபரப்பாகியதும், ரசிகர்கள் கடுமையாக விமர்சிக்க தொடங்கிவிட்டனர்.

கனியை வீட்டில் உள்ள அனைவருமே, எஃப்ஜே கூட, “அக்கா” என்று அழைப்பது வெளிப்படையான உண்மை. ஆனால், அப்படிப் போற்றப்படும் ஒருவரின் கழுத்தில் முத்தம் கொடுத்ததை பார்த்த ரசிகர்கள்,“எந்த ஊரில் அக்காவுக்கு கழுத்தில் முத்தம் கொடுப்பாங்க? இது என்ன நாகரிகம்?”என்று சோஷியல் மீடியாவில் கடும் விமர்சனங்களை முன்வைத்து வருகின்றனர்.

மேலும், பிரஜின்–சான்ட்ரா சம்பவமும் ரசிகர்களைத் தலையசைக்க வைத்ததோடு, வீட்டுக்குள் உள்ள போட்டியாளர்களின் நடத்தை அடிக்கடி விமர்சனங்களுக்குரியதாக உள்ளது.

வாரம் முழுவதும் போட்டியாளர்கள் காட்டும் அட்ராசிட்டிகளை, வார இறுதியில் தொகுப்பாளர் விஜய் சேதுபதி கடுமையாக கண்டித்தாலும், அவர்கள் தலையாட்டி உடனே ஒத்துக்கொண்டு பின்னர் மீண்டும் பழையபடி நடந்து கொள்வது பார்வையாளர்களை அதிகம் சோகப்படுத்தி வருகிறது.

இதுவரை பிக்பாஸ் 9-ல் எவிக்‌ஷன் செய்யப்பட்டவர்கள்:கெமி, திவாகர், பிரவீன், துஷார், கலையரசன், ஆதிரை, அப்சரா, பிரவீன் காந்தி.மேலும் நந்தினி தனது விருப்பப்படி நிகழ்ச்சியை விட்டு வெளியேறினார்.

இந்த சீசன் தொடர்ந்து இந்த மாதிரி எதிர்மறை சம்பவங்களில் சிக்கிக் கொண்டிருக்க, ரசிகர்கள் கேள்வி எழுப்புகின்றனர் –“இப்படி நடந்துகொண்டால் பிக்பாஸின் கண்ணியம் எப்படிப் பாதுகாக்கப்படும்?”