டிவிஎஸ் எலக்ட்ரிக் ஸ்கூட்டர் வாங்க திட்டமிட்டுள்ள வாடிக்கையாளர்களுக்கு முக்கிய தகவல் வெளியாகியுள்ளது. நிறுவனம் தனது iQube மற்றும் Orbiter எலக்ட்ரிக் ஸ்கூட்டர்களின் பல்வேறு வேரியன்ட்களின் விலையை உயர்த்தியுள்ளது. புதிய விலைகள் உடனடியாக அமலுக்கு வந்துள்ளன.

வெளியான தகவல்களின்படி, மாடலைப் பொறுத்து ரூ.500 முதல் ரூ.13,580 வரை விலை உயர்வு செய்யப்பட்டுள்ளதாக கூறப்படுகிறது.

TVS iQube – புதிய விலை உயர்வு

iQube வரிசையில் இடம்பெறும் வேரியன்ட்களின் விலை மாற்றம்:

• 2.2 kWh பேஸ் வேரியன்ட் – ரூ.500 உயர்வு

• 3.1 kWh வேரியன்ட் – ரூ.1,650 உயர்வு

• 3.5 kWh வேரியன்ட் – ரூ.3,900 உயர்வு

• iQube S 4.7 kWh – ரூ.3,000 உயர்வு

• iQube ST 5.3 kWh – ரூ.10,400 உயர்வு

இந்த மாற்றத்திற்குப் பிறகு, iQube-ன் எக்ஸ்-ஷோரூம் ஆரம்ப விலை சுமார் ரூ.1.15 லட்சம் ஆகவும், டாப் வேரியன்டின் விலை ரூ.1.72 லட்சம் ஆகவும் உயர்ந்துள்ளது.

Orbiter-க்கும் கணிசமான உயர்வு

TVS-ன் மற்றொரு எலக்ட்ரிக் ஸ்கூட்டரான Orbiter மாடலிலும் விலை உயர்த்தப்பட்டுள்ளது.

• V1 பேஸ் வேரியன்ட் – ரூ.7,000 உயர்வு

• டாப் வேரியன்ட் – ரூ.13,580 உயர்வு

இதன் மூலம் Orbiter-ன் ஆரம்ப எக்ஸ்-ஷோரூம் விலை ரூ.95,000 ஆகவும், உயர்நிலை வேரியன்டின் விலை ரூ.1.18 லட்சம் ஆகவும் உயர்ந்துள்ளது.

சமீப காலமாக எலக்ட்ரிக் இருசக்கர வாகனங்களுக்கு சந்தையில் நல்ல வரவேற்பு இருந்து வரும் நிலையில், டிவிஎஸ் மேற்கொண்டுள்ள இந்த விலை உயர்வு வாடிக்கையாளர்களின் வாங்கும் முடிவில் தாக்கத்தை ஏற்படுத்துமா என்பது கவனிக்க வேண்டிய அம்சமாக உள்ளது.

இதுவரை இந்த விலை உயர்வுக்கான காரணத்தை டிவிஎஸ் நிறுவனம் அதிகாரப்பூர்வமாக அறிவிக்கவில்லை. மேலும், மாநிலம், நகரம் மற்றும் டீலர்ஷிப்பைப் பொறுத்து இறுதி ஆன்-ரோடு விலையில் மாற்றம் இருக்கலாம் என்பது குறிப்பிடத்தக்கது.