இந்தியாவின் காம்பேக்ட் எஸ்யூவி சந்தையில் பிரபலமாக இருக்கும் நிஸான் மேக்னைட் காருக்கு புதிய ‘Olive Bronze’ நிறத்தை நிஸான் நிறுவனம் அறிமுகப்படுத்தியுள்ளது. இந்த புதிய கலர் ஆப்ஷன், காருக்கு மேலும் பிரீமியம் மற்றும் ஸ்டைலான தோற்றத்தை வழங்குவதாகக் கூறப்படுகிறது.

காம்பேக்ட் எஸ்யூவி பிரிவில் கடும் போட்டி நிலவி வரும் நிலையில், வாடிக்கையாளர்களை கவரும் வகையில் நிஸான் நிறுவனம் தொடர்ந்து புதிய அப்டேட்களை வழங்கி வருகிறது. அந்த வகையில், மேக்னைட் மாடலுக்கு இந்த புதிய ஆலிவ் பிரான்ஸ் நிறம் சேர்க்கப்பட்டிருப்பது சந்தையில் கவனம் ஈர்த்துள்ளது.

புதிய Olive Bronze நிறத்துடன் சேர்த்து, நிஸான் மேக்னைட் தற்போது மெட்டாலிக் கிரே, ஸ்டார்ம் வொயிட், பேர்ல் வொயிட், பிளேடு சில்வர், ஃபிளேர் கார்னெட் ரெட், ஓனிக்ஸ் பிளாக் மற்றும் சன்ரைஸ் காப்பர் ஆரஞ்சு உள்ளிட்ட பல நிறங்களில் கிடைக்கிறது.

மேலும், கருப்பு நிற மேற்கூரையுடன் டூயல்-டோன் கலர் ஆப்ஷன்களும் வழங்கப்படுகின்றன. இது காருக்கு மேலும் ஸ்போர்ட்டியான தோற்றத்தை வழங்குகிறது.

இந்திய சந்தையில் நிஸான் மேக்னைட், டாடா பஞ்ச், மாருதி சுசுகி ஃப்ராங்க்ஸ், ரெனால்ட் கைகர், ஹூண்டாய் எக்ஸ்டர் மற்றும் கியா சோனெட் போன்ற மாடல்களுடன் போட்டியிட்டு வருகிறது.

நிஸான் மேக்னைட் இந்தியாவில் நிறுவனத்தின் குறைந்த விலை எஸ்யூவி மாடல்களில் ஒன்றாகும். இந்த காரின் எக்ஸ்-ஷோரூம் விலை சுமார் ரூ.5.65 லட்சத்தில் தொடங்கி, டாப் மாடலுக்கு ரூ.10.96 லட்சம் வரை செல்கிறது.

மாடல் மற்றும் இன்ஜின் தேர்வைப் பொறுத்து விலையில் மாற்றம் இருக்கும்.நிஸான் மேக்னைட்டில் 1.0 லிட்டர் மூன்று சிலிண்டர் பெட்ரோல் இன்ஜின் வழங்கப்படுகிறது. இதில் இரண்டு வகை இன்ஜின் ஆப்ஷன்கள் உள்ளன:

• நேச்சுரலி ஆஸ்பிரேட்டட் பெட்ரோல் இன்ஜின் – 71 bhp பவர் மற்றும் 96 Nm டார்க்

• டர்போ பெட்ரோல் இன்ஜின் – 99 bhp பவர் மற்றும் 152 Nm டார்க்

கியர்பாக்ஸ் ஆப்ஷன்களில் 5-ஸ்பீடு மேனுவல், AMT மற்றும் CVT ஆட்டோமேட்டிக் வசதிகள் வழங்கப்படுகின்றன.

பட்ஜெட்டில் ஸ்டைலான மற்றும் வசதியான எஸ்யூவி வாங்க விரும்பும் வாடிக்கையாளர்களுக்கு நிஸான் மேக்னைட் சிறந்த தேர்வாக பார்க்கப்படுகிறது.