தங்கம் விலை தொடர்ந்து சரிவை சந்தித்து வருவது நகை வாங்க காத்திருப்போருக்கு சற்று ஆறுதலை ஏற்படுத்தியுள்ளது. நேற்று முன்தினம் சவரனுக்கு ரூ.160 குறைந்து ஒரு சவரன் ரூ.1,20,080-க்கு விற்பனை செய்யப்பட்ட நிலையில், நேற்று விலையில் எந்த மாற்றமும் ஏற்படவில்லை.இந்த நிலையில், இன்று காலையிலேயே தங்கம் விலை மீண்டும் சரிந்தது.

சவரனுக்கு ரூ.560-ம், கிராமுக்கு ரூ.70-ம் குறைந்து, ஒரு சவரன் ரூ.1,19,520-க்கும், ஒரு கிராம் ரூ.14,940-க்கும் விற்பனை செய்யப்பட்டது.இதைத்தொடர்ந்து, இன்று பிற்பகலில் தங்கம் விலையில் மீண்டும் அதிரடி சரிவு ஏற்பட்டுள்ளது.

ஒரே நாளில் 2-வது முறையாக விலை குறைந்ததால், நகை வாங்குவோர் மத்தியில் கவனம் அதிகரித்துள்ளது.சென்னையில் 22 கேரட் ஆபரணத் தங்கத்தின் விலை பிற்பகலில் சவரனுக்கு ரூ.1,720 குறைந்து, ஒரு சவரன் ரூ.1,17,800-க்கு விற்பனை செய்யப்படுகிறது.

கிராமுக்கு ரூ.215 குறைந்து, ஒரு கிராம் ரூ.14,725-க்கு விற்பனை செய்யப்படுகிறது.இதன் மூலம் இன்று ஒரே நாளில் தங்கம் விலை சவரனுக்கு மொத்தமாக ரூ.2,280 குறைந்துள்ளது குறிப்பிடத்தக்கது.

வெள்ளியைப் பொறுத்தவரை இன்று விலையில் எந்த மாற்றமும் ஏற்படவில்லை. ஒரு கிராம் வெள்ளி ரூ.265-க்கும், ஒரு கிலோ வெள்ளி ரூ.2 லட்சத்து 65 ஆயிரத்துக்கும் விற்பனை செய்யப்பட்டு வருகிறது.

தங்கம் விலை ஒரே நாளில் அடுத்தடுத்து சரிவை சந்தித்துள்ள நிலையில், நகை வாங்குவோரின் கவனம் இன்றைய விலை நிலவரத்தின் மீது திரும்பியுள்ளது.