அட்சய திருதியை விழாவை முன்னிட்டு தமிழகமெங்கும் நகைக்கடைகள் உற்சாகக் களமாக மாறின. தங்கம் வாங்க மக்கள் திரளாக குவிந்ததால் கடைகளில் பெரும் நெரிசல் நிலவியது.

இந்நிலையில், கடந்த சில நாட்களாக தங்கத்தின் விலை தொடர்ந்து சரிவை நோக்கி நகர்ந்து வருகிறது.நேற்றைய வர்த்தகத்தில், தங்கம் கிராமுக்கு ரூ.90 மற்றும் சவரனுக்கு ரூ.720 குறைந்து, ஒரு கிராம் ரூ.14,160-க்கும், ஒரு சவரன் ரூ.1,13,280-க்கும் விற்பனை செய்யப்பட்டது.

அதேபோல், வெள்ளி விலையும் தளர்ந்து, கிராமுக்கு ரூ.5 குறைந்து ரூ.270-க்கும், ஒரு கிலோ ரூ.2,70,000-க்கும் விற்பனையாகியது.இந்த சரிவு இன்று மேலும் நீடித்துள்ளது.

இன்றைய நிலவரப்படி, தங்கம் கிராமுக்கு ரூ.60 மற்றும் சவரனுக்கு ரூ.480 குறைந்து, ஒரு கிராம் ரூ.14,100-க்கும், ஒரு சவரன் ரூ.1,12,800-க்கும் விற்பனை செய்யப்படுகிறது.

வெள்ளி விலையும் இன்று குறைந்த நிலையில் உள்ளது. கிராமுக்கு ரூ.5 குறைந்து, ஒரு கிராம் ரூ.265-க்கும், ஒரு கிலோ ரூ.5,000 வரை குறைந்து ரூ.2,65,000-க்கும் விற்பனையாகிறது.கடந்த சில நாட்களில் தங்கத்தின் விலை மாற்றங்கள் பின்வருமாறு தெரிவிக்கப்படுகின்றன:
24.04.2026 - ஒரு சவரன் ரூ.1,12,800 (இன்று)
23.04.2026 - ஒரு சவரன் ரூ.1,13,280
22.04.2026 - ஒரு சவரன் ரூ.1,14,000
மொத்தத்தில், விழாக்காலக் கோலாகலத்துக்கிடையில் தங்கம் மற்றும் வெள்ளி விலைகள் தளர்வடைந்து வருவது வாடிக்கையாளர்களுக்கு சற்று நிம்மதியை அளிப்பதாக தெரிவிக்கப்படுகிறது.