சென்னையில் தங்கம் விலை திடீர் சரிவு...! இன்றைய விலை நிலவரம் என்ன....?

கடந்த சில நாட்களாக உயர்வில் இருந்த தங்கம் விலை தற்போது சரிவை சந்தித்துள்ளது. கடந்த 10 மற்றும் 11-ந்தேதிகளில் தொடர்ந்து உயர்ந்த தங்கம், நேற்று குறைந்தது.

நேற்று முன்தினம் ஒரு கிராம் தங்கம் ரூ.15,120-க்கும், ஒரு சவரன் ரூ.1,20,960-க்கும் விற்பனை செய்யப்பட்ட நிலையில், நேற்று கிராமுக்கு ரூ.150 மற்றும் சவரனுக்கு ரூ.1,200 குறைந்து, ஒரு கிராம் ரூ.14,970-க்கும், ஒரு சவரன் ரூ.1,19,760-க்கும் விற்பனையானது.

இந்த நிலையில், இன்று சென்னையில் 22 கேரட் ஆபரணத் தங்கத்தின் விலை மேலும் சரிந்து, சவரனுக்கு ரூ.560 குறைந்து ரூ.1,19,200-க்கு விற்பனை செய்யப்படுகிறது.

கிராமுக்கு ரூ.70 குறைந்து தங்கம் ரூ.14,900-க்கு விற்பனையாகிறது.வெள்ளி விலையில் இன்று எந்த மாற்றமும் இல்லை. ஒரு கிராம் வெள்ளி ரூ.290-க்கும், பார் வெள்ளி ரூ.2,90,000-க்கும் விற்பனை செய்யப்படுகிறது.