உலகை அதிரவைத்த காலிஸ்தான் தீவிரவாதிகள் கோசம்! அதிர்ச்சியில் கனடாவில் உள்ள வெள்ளையர்கள்! - Seithipunal
Seithipunal


கனடாவில் 4 கோடி மக்களுக்கிடையே 20 லட்சம் இந்திய வம்சாவளியினர் முக்கிய பங்கு வகிக்கின்றனர். இவர்களில் 7.71 லட்சம் சீக்கியர்கள் என்றும் கணிக்கப்படுகிறது. இந்தியாவின் பஞ்சாப் மாநிலத்தில் தனி நாடு கோரி போராடிய காலிஸ்தான் இயக்கத்தைச் சார்ந்த தீவிரவாதிகள், தற்போது கனடாவில் தஞ்சமடைந்து, இந்தியாவுக்கு எதிராக பல்வேறு நடவடிக்கைகளில் ஈடுபட்டு வருகின்றனர்.  

அண்மையில், கனடாவின் பிராம்ப்டன் நகரில் உள்ள இந்து சபா கோயிலில் இந்திய தூதரகம் நடத்திய சிறப்பு முகாமின்போது, காலிஸ்தான் ஆதரவாளர்கள் தாக்குதல் நடத்தினர். இந்த தாக்குதல்களால் இந்திய வம்சாவளிய இந்துக்கள் கவலைக்குள்ளாகியுள்ளனர்.

மற்ற நாடுகளைச் சேர்ந்த இந்துக்கள் கட்டிய கோயில்கள் மீது தாக்குதல் நடைபெறாத நிலையில், இந்திய இந்து கோயில்கள் மட்டுமே இவ்வாறு இலக்காகத் தேர்வு செய்யப்படுவது சிக்கலான சூழலை உருவாக்கியுள்ளது.  

 காலிஸ்தான் ஆதரவாளர்களுக்கு கனடா பிரதமர் ஜஸ்டின் ட்ரூடோ நேரடியாக அல்லது மறைமுகமாக ஆதரவு வழங்குவதாக குற்றச்சாட்டு எழுந்துள்ளது. குறிப்பாக, காலிஸ்தான் ஆதரவாளர் நிஜ்ஜாரின் கொலை விவகாரத்தில், இந்திய தூதரக அதிகாரிகளைக் குற்றம்சாட்டிய ட்ரூடோவின் நடவடிக்கைகள், இரண்டு நாடுகளுக்கும் இடையிலான உறவை மேலும் பாதிக்கின்றன.  

சர்ரே நகரில் நடைபெற்ற காலிஸ்தான் ஆதரவாளர்களின் பேரணியில், கனடாவில் வெள்ளையர்கள் தேவையில்லை. அவர்கள் ஐரோப்பாவிற்கோ அல்லது இஸ்ரேலுக்கோ திரும்பிச் செல்ல வேண்டும்"* என்ற கோஷங்கள் எழுப்பப்பட்டன.  

இந்த வீடியோவை, கனடாவின் நேஷனல் டெலிகிராப் ஊடகத்தின் செய்தியாளர் டேனியல் போர்டுமேன் வெளியிட்டார்.  கனடாவில் இதுபோன்ற கோஷங்களை நம்மால் அனுமதிக்க முடியுமா? நமது அரசியல் மற்றும் வெளியுறவு கொள்கைகளை வரையறுக்க இவர்கள் யார்?"* என அவர் கேள்வி எழுப்பினார்.  

காலிஸ்தான் ஆதரவாளர்கள், கனடாவின் அரசியல் மற்றும் சமூகப் பரப்பில் தங்களது ஆதிக்கத்தை நிலைநாட்ட முயற்சி மேற்கொள்வது, அந்நாட்டின் மக்களிடையே புதிய உரையாடல்களுக்கு வழிவகுத்துள்ளது.  

கனடா அரசு இதைச் சரிசெய்ய விரைவாக நடவடிக்கை எடுப்பதா, அல்லது இந்த விவகாரம் தொடர்ச்சியான சர்ச்சைகளுக்கு வழிவகுக்குமா என்பது இன்னும் காத்திருக்கும் கேள்வியாக உள்ளது.


இதுபோன்ற செய்திகளை உடனுக்குடன் உங்கள் வாட்ஸாப்பில் பெறுவதற்கு, எங்கள் வாட்ஸாப் சேனலை பின்தொடரவும்... https://whatsapp.com/channel/0029Va56Sr94Y9ltw5vAiI1S


English Summary

Whites in Canada should go to Europe Israel Khalistan extremists new slogan


கருத்துக் கணிப்பு

மத்திய அரசின் பட்ஜெட் அறிவிப்புகள்!



Advertisement

கருத்துக் கணிப்பு

மத்திய அரசின் பட்ஜெட் அறிவிப்புகள்!




Seithipunal
--> -->