அமெரிக்காவின் ஹவாய் தீவில் அமைந்துள்ள கிளாவியா (Kilauea) எரிமலை மீண்டும் கடும் சீற்றத்தில் வெடித்து எழுந்துள்ளது. கடந்த ஆண்டு தொடக்கம் இடைவிடாது செயல்பட்டு வந்த இந்த எரிமலை, இப்போது மாபெரும் தீச்சிமிழ்களை பீறி எழுப்பி, வானத்தை சிவப்பாக்கியுள்ளது.

பூமியின் உள் கொதிநிலையைப் போல, கிளாவியா எரிமலை கடந்த சில நாட்களாக 2,400 அடி உயரம் வரை எரிமலை குழம்புகளை (lava fountains) பீச்சியடித்து, சுற்றுப்புறங்களை சிவந்த ஒளியில் மூழ்கடித்துள்ளது.

தீப்பொறிகள் மழையாகப் பொழியும் போல் காட்சி அளிக்கும் அந்த தருணம், இயற்கையின் பேரழகையும் பேராச்சரியத்தையும் ஒரே நேரத்தில் வெளிப்படுத்துகிறது.இந்த அதிர்ச்சி தரும் காட்சிகளை சுற்றுலா பயணிகள் மற்றும் உள்ளூர் மக்கள் பதிவு செய்த வீடியோக்கள் சமூக வலைதளங்களில் வெளியாகி, வைரலாக பரவி வருகின்றன.

பலரும் இதனை “பூமியின் இதயம் கொதிக்கிறது!” எனக் குறிப்பிடுகின்றனர்.வானியல் மற்றும் புவியியல் நிபுணர்கள் குறிப்பிட்டதாவது,"கிளாவியா எரிமலை உலகிலேயே அதிகமாக செயலில் இருக்கும் எரிமலைகளில் ஒன்று.

இதன் இயக்கம் தொடர்ந்து கண்காணிக்கப்பட்டு வருகிறது. தற்போதைய நிலைமையில், எரிமலைச்சாம்பல் மற்றும் லாவா பாய்ச்சல் கட்டுப்பாட்டுக்குள் உள்ளன" என தெரிவித்துள்ளனர்.

Kilauea Volcano 🌋Super Active Amazing Views🤯.

Record high fountains for this eruption, nearly 1500 feet high.#KilaueaVolcano #Volcano pic.twitter.com/gHUTTzLGmS

— Chat News Hub (@chatnewshub) October 18, 2025