ஜிப்ரான் இசையில் தீ மூட்டும் ‘ஆர்யன்’ டிரெய்லர்!- அக்டோபர் 31 வெளியீடு உறுதி...!
Ghibrans music ignites the fire trailer of aryan October 31 release confirmed
‘வெண்ணிலா கபடிகுழு’, ‘நீர்ப்பறவை’, ‘முண்டாசுப்பட்டி’, ‘ராட்சசன்’, ‘கட்டா குஸ்தி’ போன்ற ஹிட் படங்களின் மூலம் ரசிகர்களிடம் தனித்துவமான இடம் பிடித்தவர் நடிகர் விஷ்ணு விஷால்.கடைசியாக ஐஸ்வர்யா ரஜினிகாந்த் இயக்கிய ‘லால் சலாம்’ திரைப்படத்தில் சிறப்பாக நடித்திருந்த அவர், இப்போது புதிய கெட்டப் ஒன்றில் திரும்பி வருகிறார்.
அவரது அடுத்த படமான ‘ஆர்யன்’, புதுமுக இயக்குநர் பிரவீன் இயக்கத்தில் உருவாகியுள்ளது.
இந்தப் படத்தில் ஷ்ரத்தா ஸ்ரீநாத், வாணி போஜன், மற்றும் இயக்குநர்-நடிகர் செல்வராகவன் முக்கிய கதாபாத்திரங்களில் நடித்து இருப்பது ரசிகர்களிடையே பெரும் எதிர்பார்ப்பை ஏற்படுத்தியுள்ளது.
இசை இயக்குனர் ஜிப்ரான் வழங்கிய பின்னணி இசை மற்றும் பாடல்கள் ஏற்கனவே ரசிகர்களை கவர்ந்துள்ளன.அதில் முதல் சிங்கிள் பாடல் சமீபத்தில் வெளியானதும் சமூக வலைதளங்களில் வைரலாக பரவி வருகிறது.அதிக எதிர்பார்ப்பை ஏற்படுத்தும் இந்த ‘ஆர்யன்’ படம் தமிழ், தெலுங்கு, மலையாளம், கன்னடம், இந்தி ஆகிய ஐந்து மொழிகளில் வெளியாக உள்ளது.
படக்குழுவின் அறிவிப்பின்படி, இந்த படம் அக்டோபர் 31-ஆம் தேதி உலகமெங்கும் திரையரங்குகளில் வெளியாகவுள்ளது.இதற்கிடையில், ‘ஆர்யன்’ டிரெய்லர் தற்போது வெளியிடப்பட்டு, ரசிகர்கள் மத்தியில் பெரும் வரவேற்பை பெற்றுள்ளது.மேலும், விஷ்ணு விஷாலின் அதிரடி திரைமாற்றம், ஜிப்ரானின் த்ரில்லிங் பி.ஜி.எம், மற்றும் சினிமா தரமான காட்சிகள் டிரெய்லரை ஒரு புதிய உயரத்திற்கு கொண்டு சென்றுள்ளன.
English Summary
Ghibrans music ignites the fire trailer of aryan October 31 release confirmed