இந்தியர்களை இலக்காகக் கொண்ட வேலைவாய்ப்பு மற்றும் த்ரான்சிட் மோசடிகள் அதிகரித்ததால், ஈரான் அரசு இந்தியர்களுக்கான விசா-ஃப்ரீ பயண அனுமதியை முழுமையாக நிறுத்தி உள்ளது. இதனை இந்திய வெளியுறவு அமைச்சகம் (MEA) அதிகாரப்பூர்வமாக உறுதிப்படுத்தியுள்ளது.

சமீப மாதங்களில் பல இந்தியர்கள் “ஐரோப்பிய வேலை”, “மூன்றாவது நாட்டுக்கு த்ரான்சிட்”, “வளைகுடா வேலை வாய்ப்பு” என்ற பெயர்களில் ஏமாற்றப்பட்டு ஈரானுக்கு அழைத்துச் செல்லப்பட்டுள்ளனர். அங்கே சென்றதும் சிலரை குற்றவியல் கும்பல்கள் கடத்தி, குடும்பத்தாரிடம் பணம் கோரிய சம்பவங்கள் பல பதிவு செய்யப்பட்டுள்ளது. விசா-ஃப்ரீ அனுமதி இருந்ததால் இதுபோன்ற மோசடிகள் வேகமாக அதிகரித்ததாக MEA தெரிவித்துள்ளது.

இதன் காரணமாக, ஈரான் —
சுற்றுலா
தொழில் பயணம்
த்ரான்சிட் (Transit)
எல்லாவற்றிற்கும் விசா கட்டாயம் என அறிவித்துள்ளது.

இனி விசா இல்லாமல் ஈரான் நாட்டுக்குள் நுழைவதும், அதன்பேரில் பிற நாடுகளுக்கான த்ரான்சிட் பயணமும் முடியாது. விமான நிறுவனங்களுக்கும் தெளிவான அறிவுறுத்தல்கள் வழங்கப்பட்டுள்ளன — செல்லுபடியாகும் ஈரான் விசா இல்லாத இந்திய பயணிகளை Boarding செய்யக்கூடாது என்று.

MEA எச்சரிக்கையில் குறிப்பாக வேலை வாய்ப்புக்கான மோசடிகள் குறித்து கவலை வெளியிட்டுள்ளது. ஐரோப்பா, அரேபிய நாடுகள் வேலை வாய்ப்பு எனக்கூறி ஆட்களை அழைத்து, பின்னர் ஈரானில் இறக்கி கடத்திய சம்பவங்கள் அதிகரித்து இருப்பதால், யாரிடமும் வரும் வேலை வாய்ப்பு தகவல்களை நேரடியாக MEA Portal அல்லது இந்திய தூதரகங்கள் வழியாக சரிபார்க்க வேண்டும் என அறிவுறுத்தப்பட்டுள்ளது.

2025 நவம்பர் 22ஆம் தேதி அல்லது அதற்கு பிறகு ஈரான் வழியாகப் பயணம் உள்ளவர்கள், உடனடியாக பயண திட்டத்தை மாற்றிக் கொள்ள வேண்டி உள்ளது. த்ரான்சிட் பயணிக்கும் பயணிகளுக்கும் விசா அவசியம் என்பதால், பயண நிறுவனங்களிடம் விசா விவரங்களை முன்கூட்டியே சரிபார்க்கும்படி கூறப்பட்டுள்ளது.

பாதுகாப்பு கருதி எடுக்கப்பட்ட இந்த பெரிய மாற்றம், இந்திய பயணிகளுக்கு மிக முக்கியமான எச்சரிக்கை. ஈரானுக்கு சுற்றுலா, வேலை அல்லது த்ரான்சிட் என்பதைப் பொருட்படுத்தாமல் — செல்லுபடியாகும் விசா அவசியம் என்பதால், முன்கூட்டிய திட்டமிடல் மட்டுமே பாதுகாப்பான பயணத்தை உறுதி செய்யும் என்று MEA தெரிவித்துள்ளது.