ஐக்கிய நாடுகளின் சபை அமைப்பில் உள்ள மக்கள் தொகை நிதியம் அமைப்பின் உலக மக்கள் தொகை நிலவரம் தொடர்பாக அறிக்கை வெளியிடப்பட்டுள்ளது. இது குறித்த அறிக்கையில், கடந்த 1970 ஆம் வருடத்தின் நிலவரப்படி 6 கோடியே 10 இலட்சம் மக்கள் மாயமாகியுள்ளனர். மேலும், 50 வருடத்தில் இந்த எண்ணிக்கை இரண்டு மடங்கு உயர்ந்துள்ளது. 

இந்த வருடமாக 2020 -ல் இந்த எண்ணிக்கை 14 கோடியே 26 இலட்சமாக உயர்ந்துள்ளது. இந்தியாவில் கடந்த 50 வருடத்தில் 4 கோடியே 58 இலட்சம் பெண்கள்  மாயமாகியுள்ளனர். சீனாவில் 7 கோடியே 23 இலட்சம் பெண்கள் மாயமாகியுள்ளனர். 

இவ்வாறு மாயமான நபர்களில் கருவில் அளிக்கப்பட்ட பெண் சிசுக்களும், பிறந்த பெண் குழந்தைகளின் கொலையும் அடங்கும். கடந்த 2013 ஆம் வருடத்தில் இருந்து 2017 ஆம் வருடத்திற்குள் இந்தியாவில் 4 இலட்சத்து 60 ஆயிரம் பெண் குழந்தைகள் அழிக்கப்பட்டுள்ளது. இதில் பிறந்தபின்னர் அழிக்கப்பட்டவர்கள் மூன்றில் ஒரு பங்கு ஆகும்.

பெரும்பாலான நாடுகளில் பெண் குழந்தையை தவிர்த்து ஆண் குழந்தையை விரும்பும் சூழல் காரணமாக, பெண் குழந்தைகள் அழிக்கப்படுகின்றனர். ஆண் - பெண் எண்ணிக்கையில் ஏற்றத்தாழ்வும் அதிகரித்து வருகிறது. திருமணத்திற்கான காத்திருக்கும் ஆண்கள், பெண்கள் கிடைக்காததால் திருமணமும் தள்ளி செல்கிறது. குழந்தை திருமணமும் அதிகரிக்க வாய்ப்புகள் உள்ளது. 

Tamil online news Today News in Tamil