இஸ்ரேலுடன் சேர்ந்து ஈரான் மீது அமெரிக்கா தாக்குதல் நடத்தினால் அமெரிக்க கப்பல்கள் மீது தாக்குதல் நடத்தப்படும் என்று ஹவுதி கிளர்ச்சியாளர்கள் மிரட்டல் விடுத்துள்ளனர். 

மேற்காசியாவில் நீண்டகாலமாக நிலவி வரும் இஸ்ரேல்–ஈரான் மோதல், தற்போது தீவிரம் அடைந்துள்ளது. கடந்த ஜூன் 13 ஆம் தேதி அதிகாலை, ஈரானில் உள்ள முக்கியமான இடங்களை குறிவைத்து இஸ்ரேல் தாக்குதல் நடத்தியது. இந்த தாக்குதலுக்கு காரணமாக, ஈரான் அணு ஆயுதங்களை உருவாக்குவதைத் தடுக்க வேண்டும் என்பதே இஸ்ரேலின் நோக்கமாக இருந்தது.

தாக்குதலுக்குப் பதிலளிக்க, ஈரான் தங்களது ஏவுகணைகளை பயன்படுத்தி இஸ்ரேல் மீது பதிலடி நடத்தியது. இவ்வாறு இரண்டு நாடுகளுக்கும் இடையே தொடர் மோதல் இன்று ஒன்பதாவது நாளாக நடைபெற்று வருகிறது. இந்தத் தொடர்பில், இஸ்ரேலுக்கு அமெரிக்கா ஆதரவு அளிக்க வாய்ப்புள்ளதாகவே மதிப்பிடப்படுகிறது. இது நடைபெறுமாயின், அமெரிக்கா நேரடியாக ஈரான் மீது தாக்குதல் நடத்தும் சாத்தியமும் உள்ளது.

இந்நிலையில், ஈரானுக்கு ஆதரவாக செயல்படும் ஏமனின் ஹவுதி கிளர்ச்சியாளர்கள், அமெரிக்காவுக்கு எதிராகக் கடுமையான எச்சரிக்கை விடுத்துள்ளனர். அமெரிக்கா, இஸ்ரேலுக்கு ஆதரவாக ஈரான் மீது தாக்குதல் நடத்தினால், செங்கடலில் உள்ள அமெரிக்க போர் கப்பல்கள் மற்றும் சரக்கு கப்பல்கள் மீது தாங்கள் தாக்குதல் நடத்துவோம் என ஹவுதிகள் மிரட்டியுள்ளனர்.

இதன் காரணமாக, மத்திய கிழக்கு பகுதியில் நிலவும் பதற்றம் மேலும் அதிகரித்துள்ளது. இந்தியா உள்ளிட்ட உலக நாடுகள் இந்த சூழ்நிலையை சகவாழ்வு மற்றும் அமைதி வழியில் தீர்க்கப்பட வேண்டும் என வலியுறுத்தி வருகின்றன.