ஆப்கானிஸ்தானில் திடீர் நில அதிர்வு: ரிக்டர் அளவில் 4.2...!

ஆப்கானிஸ்தானில் இன்று காலை திடீரென நிலநடுக்கம் உணரப்பட்டது. காலை 8.48 மணியளவில் ஏற்பட்ட இந்த நில அதிர்வு, ரிக்டர் அளவில் 4.2 ஆக பதிவாகியுள்ளதாக தேசிய நில அதிர்வு மையம் உறுதிப்படுத்தியுள்ளது.

பூமியின் அடியில் சுமார் 10 கிலோமீட்டர் ஆழத்தில் உருவான இந்த நிலநடுக்கத்தின் மையம், 36.65 டிகிரி வடக்கு அட்சரேகை மற்றும் 69.54 டிகிரி கிழக்கு தீர்க்கரேகை பகுதியாகக் கண்டறியப்பட்டுள்ளது.

இதனால் சில பகுதிகளில் மக்கள் அச்சமடைந்து வீடுகளிலிருந்து வெளியே வந்ததாக கூறப்படுகிறது.

இந்நிலநடுக்கத்தால் ஏற்பட்ட உயிர்சேதம் அல்லது சொத்துச் சேதம் குறித்து இதுவரை எந்த அதிகாரப்பூர்வ தகவலும் வெளியாகவில்லை.

நிலைமையை தொடர்ந்து கண்காணித்து வருவதாக சம்பந்தப்பட்ட அதிகாரிகள் தெரிவித்துள்ளனர்.