இத்தாலி நாட்டின் பெர்காமோ மாகாணத்தில் வாழ்ந்து வந்த இந்திய வம்சாவளியைச் சேர்ந்த ரகிந்தர்சிங் (48) மற்றும் குர்மித்சிங் (48), பஞ்சாப் மாநிலத்தைச் சேர்ந்தவர்கள்.

தொழில் காரணமாக வெளிநாடு சென்ற அவர்கள், குடும்பத்துடன் அங்கு அமைதியான வாழ்க்கையை நடத்தி வந்ததாக தெரிவிக்கப்படுகின்றது.

இந்த நிலையில், கோவோ நகரில் உள்ள குருத்வாராவில் வைசாகி திருவிழா உற்சாகமாக நடைபெற்றுக் கொண்டிருந்தது. விழாவை நிறைவு செய்து வெளியேறிய தருணத்தில், திடீரென கார் ஒன்றில் வந்த மர்ம நபர்கள் கண்மூடித்தனமாக துப்பாக்கிச்சூடு நடத்தி அங்கிருந்து தப்பிச் சென்றனர்.

இந்த எதிர்பாராத தாக்குதலில் இருவரும் கடுமையாக காயமடைந்து, ரத்த வெள்ளத்தில் சரிந்ததாக தெரிவிக்கப்படுகின்றது.உடனடியாக அப்பகுதி மக்கள் அவர்களை மீட்டு அருகிலுள்ள மருத்துவமனைக்கு கொண்டு சென்று சிகிச்சைக்கு அனுமதித்தனர்.

ஆனால், உயிர் காக்கப்பட்ட போராட்டம் தோல்வியடைந்த நிலையில், சிகிச்சை பலனின்றி இருவரும் உயிரிழந்ததாக தெரிவிக்கப்படுகின்றது.

இந்த கொடூர சம்பவம் இந்தியர்களிடையே அதிர்ச்சியையும் அச்சத்தையும் ஏற்படுத்தியுள்ளது. சம்பவம் குறித்து தீவிர விசாரணை நடத்த வேண்டும் என வலியுறுத்தி, இத்தாலியில் உள்ள இந்திய தூதரகம் அந்நாட்டு அரசாங்கத்தின் மீது அழுத்தம் கொடுத்து வருவதாக தெரிவிக்கப்படுகின்றது.